وزیراعظم کے معاون خصوصی برائے اوورسیز پاکستانی زلفی بخاری نے کہا ہے کہ محمد علی سدپارہ سمیت لاپتہ کوہ پیماؤں کے معاملے کو وزیراعظم اور آرمی چیف دیکھ رہے ہیں۔

تفصیلات کے مطابق سماجی رابطے کی ویب سائٹ ٹویٹر پر اپنے بیان میں زلفی بخاری نے لکھا کہ محمد علی سدپارہ اور ان کے ساتھیوں کی تلاش کیلئے سرچ اینڈ ریسکیو ٹیمیں مسلسل کام کر رہی ہیں۔

انھوں نے بتا یا کہ وزیراعظم عمران خان اور آرمی چیف جنرل قمر جاوید باجوہ مسلسل لا پتا کوہ پیماء کے معاملے کو خود دیکھ رہے ہیں۔

وزیراعظم کے معاون خصوصی کا کہنا ہے کہ سرچ آپریشن کا آغاز پھر کیا جائیگا، کوہ پیماؤں کی واپسی کیلئے قوم سے دعاؤں کی اپیل ہے، موسم کی صورتحال سازگار نہ ہونے کی وجہ سے یہ مشن آسان نہیں ہے۔

Advertisement

PM @ImranKhanPTI & COAS Gen Qamar Bajwa are concerned and personally following all developments regarding our missing mountaineers. High alt porters & Lama helis will restart search at the crack of dawn.
Prayers needed from everyone for their safe return!#k2winterexpedition2021

— Sayed Z Bukhari (@sayedzbukhari) February 6, 2021

زلفی بخاری کا مزید کہنا ہے کہ ریسکیو آپریشن میں پاکستان آرمی کا تعاون حاصل ہے، علی سدپارہ کی بحفاظت گھر واپسی کیلئے ہر ممکن کوشش کریں گے، پاکستانی ان کی محفوظ واپسی کیلئے دعا کرتے رہیں۔