پاکستان مسلم لیگ(ن) کی ترجمان مریم اورنگزیب نے کہا کہ کرپٹ وزیراعظم، کرائے کے ترجمان اور لوٹا بریگیڈ صرف وہی بولتے ہیں جتنا بولنے کی اجازت ہوتی ہے۔
تفصیلات کے مطابق پاکستان مسلم لیگ(ن) کی ترجمان مریم اورنگزیب نے وفاقی وزیرفواد چوہدری کے بیان پر ردعمل کرتے ہوئے کہا کہ سلیکڈڈ وزیراعظم اورلوٹا بریگیڈ سلیکٹرزکی کرائے پردی ہوئی گاڑی چلا رہے ہیں ، یہ گاڑی معیشت، عوام اور پاکستان کے مفادات کو روندتے ہوئے کھائی کی طرف جارہی ہے۔
مریم اورنگزیب نے کہا کہ سلیکٹڈ وزیراعظم کرائے کے ترجمان اور لوٹا بریگیڈ صرف وہی بولتے ہیں جتنا بولنے کی اجازت ہوتی ہے جبکہ اس تباہی وبربادی پرآنکھیں بند کیئے سلیکٹرز کی یہ گاڑی دائیں بائیں نہیں کرسکتے چاہے دیوارمیں لگ کر اپنے اوپر گر جائے۔
مسلم لیگ(ن) کی ترجمان نے تنقید کرتے ہوئے کہا کہ آج الیکشن کمیشن کا عملہ چوری کرنے والے انتخابی اصلاحات کی سنجیدہ منہ سے بات کر رہے ہیں ؟ جبکہ آج آر ٹی ایس کی پیداوارووٹ چور انتخابی اصلاحات کی بات کر رہے ہیں؟
انہوں نے حکومت سے سوال کرتے ہوئے کہا کہ اپوزیشن کو گالی دے کر، سزائے موت کی چکیوں میں ڈال کر آج انتخابی اصلاحات کی بات کس منہ سے کررہے ہیں ؟
مریم اورنگزیب نے تنقید کرتے ہوئے یہ بھی کہا کہ شہباز شریف ڈوبتی معیشت بچانے کےلئے میثاق معیشت کی سنجیدہ بات کریں توانہیں جیل میں ڈال دو، شہباز شریف انتخابی اصلاحات کی بات کرے جبکہ میثاقِ معیشت کی بات کرے تو این آراوکا نام دے دو اور شہباز شریف پارلیمان کی بالادستی کی بات کرے تو قید کر دو۔
پاکستان مسلم لیگ(ن) کی ترجمان مریم اورنگزیب نے مزید کہا کہ پارلیمانی روایت کا بیڑہ غرق کرنے والے اور پارلیمان کو تالا لگانے والے انتخابی اصلاحات کی بات کس منہ سے کر رہے ہیں جبکہ ووٹ چورکرپٹ وزیراعظم اور لوٹا بریگیڈ ڈسکہ میں پولنگ عملہ اغوا کرانے کے عمل کو انتخابی اصلاحات میں شامل کرانا چاہتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News