گلگت، نلتر فائرنگ واقعے میں ملوث تین ملزمان گرفتار

ثمرا مظہر

25th Mar, 2021. 10:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلگت، نلتر فائرنگ واقعے میں ملوث تین ملزمان گرفتار

گلگت میں مسافر گاڑی پر فائرنگ کرنے کے الزام میں تین ملزمان کو گرفتار کرلیا گیا ہے۔

تفصیلات کے مطابق ایس ایس پی گلگت مرزا حسن کا کہناہے کہ گرفتار ملزمان میں شریف الدین ولد مہر علی، طاہر حسین ولد اسماعیل اور واجد حسین ولد ولایت علی شامل ہیں۔

انہوں نے کہا کہ گرفتار ملزمان کا تعلق نلترپائین سے ہے۔

خیال رہے کہ گلگت میں نامعلوم افراد کی مسافر گاڑی پر فائرنگ کے نتیجے میں 5 افراد جاں بحق جبکہ 7 زخمی ہوگئے تھے۔

ایس ایس پی گلگت کا کہناہے کہ گاڑی گلگت سے نلتر بالا جا رہی تھی کہ نامعلوم افراد نے نلتر پائن میں آر سی سی پل کے قریب گاڑی کو فائرنگ کا نشانہ بنا دیا۔

پولیس حکام کا کہناہے کہ فائرنگ کے نتیجے میں گاڑی میں موجود 5 افراد جاں بحق جبکہ 7 زخمی ہوگئے ہیں۔

واقعے کے بعد ریسکیو ٹیموں نے زخمی ہونے والے افراد کو گلگت اسپتال منتقل کردیا۔

ایس ایس پی گلگت کے مطابق جاں بحق اور زخمیوں کا تعلق نلتربالا سے ہے۔