پمز اسپتال کی انتظامیہ نے ریڈ الرٹ جاری کر دیا

شبین رضا

29th Mar, 2021. 01:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پمز اسپتال کی انتظامیہ نے ریڈ الرٹ جاری کر دیا

اسلام آباد میں کورونا وائرس کے بڑھتے کیسز پر پاکستان انسٹی ٹیوٹ آف میڈیکل سائنسس (پمز) اسپتال کی انتظامیہ نے ریڈ الرٹ جاری کر دیا ۔

ڈسٹرکٹ ہیلتھ آفیسر (ڈی ایچ او) اسلام آباد کے مطابق کورونا مریضوں کے علاج کیلئے 15 سرکاری اور نجی اسپتال مختص کیے گئے ہیں ، کورونا مریضوں کے لئے مختص تین اسپتالوں میں آکسیجن بیڈز مکمل بھر گئے ہیں۔

ڈی ایچ او کا کہنا ہے کہ کورونا مریضوں کے لئے مختص 4 اسپتال میں وینٹی لیٹرز بھر گئے ہیں، مزید گنجائش نہیں ہے، پمز اسپتال میں 163 آکسیجن بیڈز میں سے 120 کورونا مریضوں سے بھر گئے ہیں۔

ڈی ایچ او نے بتایا کہ متعدی بیماریوں کیلئے قائم آئی ایچ آئی ٹی سی اسپتال میں 70 آکسیجن بیڈزمیں سے 50 پر کورونا مریض ہیں۔

پولی کلینک اسپتال میں 27 آکسیجن بیڈز میں سے 24 پر کورونا مریض زیر علاج ہیں۔

سی ڈی اے اسپتال میں 43 آکسیجن بیڈز میں سے 32 پر کورونا مریض ہیں۔