ہمیں ایک دوسرے کو برداشت کرنا پڑے گا ، خورشید شاہ

شبین رضا

29th Mar, 2021. 03:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں ایک دوسرے کو برداشت کرنا پڑے گا ، خورشید شاہ

پیپلز پارٹی کے رہنما خورشید شاہ نے کہا ہے کہ ہمیں ایک دوسرے کو برداشت کرنا پڑے گا۔

تفصیلات کے مطابق عدالت میں پیشی کے موقع پر پیپلز پارٹی رہنما سید خورشید شاہ نے میڈیا سے گفتگوکرتے ہوئے کہاکہ ہر پارٹی کا اپنا مؤقف ہوتا ہے اور کسی ایک نقطے پر ساتھ چلنا بڑا مشکل ہوتا ہے تاہم امید ہے پی ڈی ایم قائم رہے گی۔

پیپلز پارٹی رہنما سید خورشید شاہ نے کہا کہ ہمیں ایک دوسرے کو برداشت کرنا پڑے گا جبکہ مولانا فضل الرحمان اور دیگر کی یہ سوچ ہے استعفیٰ دینے سے عمران خان چلا جائے گا لیکن استعفیٰ عمران خان کو مضبوط کرنے کے برابر ہو گا۔

انہوں نے کہا کہ استعفیٰ دینے سے نئی پارٹیاں بنتی ہیں اور انہیں موقع مل جاتا ہے۔ آج جو نئی پارٹیاں میدان میں ہیں وہ بھی بائیکاٹ اوراستعفوں کا نتیجہ ہیں ۔

خورشید شاہ نے مزید کہا کہ اسٹیٹ بینک کا آرڈیننس پاکستان کے لیے زہریلا ہے۔ آرڈیننس کے بعد ہم عالمی مالیاتی ادارے (آئی ایم ایف) کے غلام ہوں گے۔ اتنے سیاستدان اس آرڈیننس کےخلاف بول رہےہیں عمران خان کوسمجھناچاہیے۔