سوات میں وقفے وقفے سے برفباری کا سلسلہ جاری

شبین رضا

14th Mar, 2021. 12:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوات میں وقفے وقفے سے برفباری کا سلسلہ جاری

سوات میں بارش کے ساتھ ساتھ وقفے وقفے سے برفباری کا سلسلہ بھی جاری ہے۔

محکمہ موسمیات کے مطابق سوات میں بارش و برفباری کا سلسلہ آئندہ 24 گھنٹے تک جاری رہے گا۔

برفباری کا مزہ لینے کے لیے سیاحوں کی بڑی تعداد وادی کا رُخ کر رہی ہے جہاں وہ برفباری کے ساتھ ساتھ حسین مناظر سے بھی خوب لطف اٹھارہے ہیں۔

دوسری جانب اسلام آباد سمیت ملک کے مختلف علاقوں میں آج گرج چمک کے ساتھ بارش کا امکان ہے۔

محکمہ موسمیات کے مطابق خیبر پختونخوا، بالائی پنجاب، اسلام آباد، کشمیر اور گلگت بلتستان میں بارش کا امکان ہے۔

کشمیر اور گلگت بلتستان کے پہاڑوں پر برفباری کا بھی امکان ہے۔

پنجاب کے علاقوں جہلم، گوجرخان، راولپنڈی، مندرہ اور چکوال سمیت مختلف علاقوں میں تیز ہواؤں کے ساتھ بارش کا امکان ہے۔

محکمہ موسمیات کے مطابق مری، ایبٹ آباد، مانسہرہ اور ہری پور میں بھی گرج چمک کے ساتھ بارش ہو سکتی ہے۔

مظفر آباد، باغ، کوٹلی، میرپور سمیت دیگر اضلاع میں بھی گرج چمک کے ساتھ بارش کا امکان ہے۔

خیبر پختونخوا کے علاقے لوئر دیر سمیت میدانی علاقوں میں بارش اور پہاڑوں پر برف باری ہو سکتی ہے۔

سندھ اور بلوچستان کے بیشتر علاقوں میں آج موسم خشک رہے گا۔