موٹروے زیادتی کیس: ملزمان کی سزائے موت کیخلاف اپیل دائر

شبین رضا

25th Mar, 2021. 11:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موٹروے زیادتی کیس: ملزمان کی سزائے موت کیخلاف اپیل دائر

موٹروے زیادتی کیس کے مجرمان عابد ملہی اور شفقت بگا نے سزاؤں کے خلاف لاہور ہائی کورٹ میں اپیل دائر کر دی ہے۔

تفصیلات کے مطابق عابد ملہی اور شفقت بگا کی جانب سے قاسم آرائیں ایڈووکیٹ نے لاہور ہائی کورٹ میں اپیل دائر کی۔

ذرائع کے مطابق اپیل میں کہا گیا ہے کہ مجرموں کو موٹر وے پر زیادتی کا جرم ثابت ہونے پر سزائے موت سنائی گئی تھی، مجرموں کی موت کی سزا پر عمل لاہور ہائیکورٹ کے حکم سے مشروط ہوگا۔

اپیل کے متن کے مطابق اغوا کا جرم ثابت ہونے پر مجرم عابد ملہی اور شفقت بگا کو عمر قید کی سزائیں سنائیں،عدالت نے مجرموں کی تمام جائیداد بحق سرکار ضبط کرنے کا بھی حکم دیا۔

واضح رہے کہ انسداد دہشت گردی کی خصوصی عدالت نے جرم ثابت ہونے پر ملزمان کو پھانسی اور عمر قیدکی سزا سنائی تھی۔

ملزم عابد ملہی اور شفقت بگا نے 8 اور 9 ستمبر کی رات گجر پورہ کے قریب بچوں کے سامنے ماں کو تشدد کے بعد زیادتی کا نشانہ بنایا تھا۔