ٹیکس قوانین ترمیمی آرڈیننس 2021 جاری کردیا گیا

ثمرا مظہر

26th Mar, 2021. 12:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس قوانین ترمیمی آرڈیننس 2021 جاری کردیا گیا

صدر مملکت عارف علوی کی جانب سے ٹیکس قوانین ترمیمی آرڈیننس 2021 جاری کردیا گیا۔

تفصیلات کے مطابق ٹیکس قوانین ترمیمی آرڈیننس 2021 فوری طور پر نافذ العمل ہوگا جس میں 75 سے زائد ترامیم کی گئی ہیں اور 62 اداروں کو ٹیکس کریڈٹ کی سہولت دی گئی ہے۔

ٹیکس قوانین ترمیمی آرڈیننس 2021 کے مطابق کاروباری مقامات پر این ٹی این یا بزنس کارڈ آویزاں کرنا لازمی ہے،این ٹی این آویزاں نہ کرنے پر جرمانے عائد کیے جائیں گے۔

ٹیکس قوانین ترمیمی آرڈیننس کے تحت فریش گریجویٹس کو حاصل ٹیکس چھوٹ بھی واپس لے لی گئی ہے۔

آرڈیننس 2021 کے تحت پاکستان کرکٹ بورڈ(پی سی بی) سمیت کھیلوں کی تمام تنظیموں کی ٹیکس چھوٹ ٹیکس کریڈٹ میں تبدیل کردی گئی ہے جب کہ فلم انڈسٹری کے لیے ٹیکس چھوٹ بھی واپس لے لی گئی۔

آرڈیننس 2021 میں فلاحی اداروں شوکت خانم میموریل ٹرسٹ، شریف ٹرسٹ اور عالمگیر ویلفیئر ٹرسٹ کی ٹیکس چھوٹ کو برقرار رکھا گیا ہے۔