پاکستان تحریک انصاف کے رہنما خرم شیرزمان نے کہا ہے کہ گیلانی صاحب کے بیٹے نے جو حربے سکھائے وہی ان کے والد کو لے ڈوبے، ملک کے سب سے بڑے ایوان میں بھی قزاقوں کا راستہ بند ہوچکا ہے۔
خرم شیر زمان نے سینیٹ الیکشن میں چیئرمین صادق سنجرانی ڈپٹی چیئرمین مرزا محمد آفریدی کی کامیابی پر مبارکباد دیتے ہوئے کہا کہ تاریخی کامیابی پر پوری قوم کو مبارکباد پیش کرتے ہیں۔
انہوں نے کہا کہ ایک بار پھر پی پی کے جعلی نیلسن منڈیلا کے پیسوں کو شکست نصیب ہوئی، خودساخته شیروں کے شکاری چیئرمین کے لیے گیڈر بنے پھرتے رہے، امید ہے پی ڈی ایم یہ صدمہ برداشت کرسکے گی۔
خرم شیرزمان نے مزید کہا کہ پاکستان تحریک انصاف نے ہر سطح پر ہارس ٹریڈنگ اور جعلسازی کو روکنے کی کوشش کی، پارٹی کا اگلا معرکہ سندھ اسمبلی کا ہوگا۔
خرم شیر زمان نے کہا کہ سندھ کی عوام کو صوبے میں بھی گرینڈ سرپرائز دینے جارہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
