پشاور:کورونا وائرس کے بڑھتے کیسز کے باعث مزید علاقوں میں مائیکرو اسمارٹ لاک ڈاؤن لگانے کا نوٹیفیکیشن جاری کر دیا گیا ہے۔

تفصیلات کے مطابق پشاور کے مزید علاقوں میں آج شام چھ بجے سے مائیکرو اسمارٹ لاک ڈاؤن نافذ کرنے کا نوٹیفیکیشن جاری کیا گیا ہے۔

ذرائع کے مطابق مائیکرو اسمارٹ لاک ڈاؤن کے دوران ان علاقوں سے ان آؤٹ انٹری بند رہے گی۔

  جاری کردہ نوٹیفیکیشن کے مطابق صرف گلیوں اور چھوٹے علاقوں میں مائیکرو اسمارٹ لاک ڈاؤن لگایا جا رہا ہے ،جس کا مقصد کورونا کے پھیلاؤ کو روکنا ہے۔

ذرائع کے مطابق ان علاقوں میں کورونا وائرس کے کیسز رپورٹ ہونے کی وجہ سے مائیکرو اسمارٹ لاک ڈاؤن لگایا گیا۔

نوٹیفیکیشن کے مطابق ان علاقوں میں صرف  دکانیں، بیکریاں ، اسپتال، تندور، میڈیکل اسٹورکھلے رہیں گے۔

ذرائع کے مطابق ان علاقوں کی مساجد میں صرف پانچ افراد کو باجماعت نماز پڑھنے کی اجازت ہو گی۔