وزیر داخلہ بلوچستان میر ضیاء اللہ لانگو نے بلوچستان کے علاقے چمن میں لیویز ہیڈکوارٹر گاڑی کے قریب بم دھماکے کی شدید مذمت کی ہے۔
وزیر داخلہ نے دھماکے میں 3شہریوں کی ہلاکت اور 13 لوگوں کے زخمی ہونے پر گہرے دکھ اور افسوس کا اظہار کیا ہے۔
وزیر داخلہ بلوچستان کا کہنا تھا کہ بم موٹرسائیکل میں نصب تھا، افسوسنا ک واقعے میں ملوث ملزمان کسی رعایت کے مستحق نہیں۔
وزیر داخلہ بلوچستان نے شہید افراد کے لواحقین سے دلی ہمدردی، تعزیت کا اظہار اور زخمیوں کی جلد صحت یابی کیلئے دعا کرتے ہوئے کہا کہ کہ مقتولین کے لواحقین کو ہر قیمت پر انصاف فراہم کیا جائےگا۔
انہوں نے کہا کہ ہماری تمام تر ہمدردیاں شہید لوگوں کے لواحقین کے ساتھ ہیں،غمزدہ خاندانوں کے دکھ میں برابر کے شریک ہیں۔
Advertisement
صوبائی وزیر داخلہ نے انتظامیہ سے افسوسناک حادثے کے بارے میں رپورٹ طلب کر لی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
