وزیراعظم عمران خان نے کہا ہے کہ اتحادیوں سے کیے وعدے پورے ہوں گے۔

 تفصیلات کے مطابق وزیراعظم عمران خان سے ایم کیو ایم وفد کی ملاقات ہوئی جس میں ایم کیو ایم  نے ملک میں دوبارہ مردم شماری اور بند دفاتر کھولنے کا مطالبہ کردیا۔

 اس موقع ایم کیو ایم نے مطالبہ کیا کہ آئندہ بجٹ میں مردم شماری کے لیے رقم مختص کی جائے جس پر وزیراعظم نے عبدالحفیظ شیخ کو بجٹ مختص کرنے سے متعلق ہدایت کی۔

ایم کیو ایم وفد نے ملاقات میں کہا کہ حیدرآباد یونیورسٹی کی تعمیر جلد مکمل جائے جس پر وزیراعظم نے شفقت محمود کو یونیورسٹی کی جلد تعمیر کے لیے اقدامات کی ہدایت دی۔

ایم کیو ایم وفد نے کہا کہ لاپتہ افراد اور بند دفاتر کا معاملہ حل کیا جائے جس پر وزیراعظم نے شیخ رشید کو معاملات دیکھنے کی ہدایت دی۔

ایم کیو ایم وفد نے مطالبہ کرتے ہوئے کہا کہ سندھ میں شہری آبادی کی ترقی کے لیے اقدامات کریں جس پر وزیراعظم نے اسد عمر کو معاملات دیکھنے کی ہدایت دی۔

عمران خان نے کہا کہ اتحادیوں کے مطالبات سے واقف ہوں، اتحادیوں سے کیے وعدے پورے ہوں گے۔

ملاقات میں عمران خان نے ایم کیو ایم وفد کو یقین دہانی کرواتے ہوئے کہا کہ ایم کیو ایم کے مطالبات تسلیم کریں گے۔

وزیراعظم عمران خان نے مزید کہا کہ کراچی کی ترقی کے لیے وفاقی حکومت کردار ادا کرتی رہے گی۔

عمران خان سے ایم کیو ایم کے وفد کی ہونے والی ملاقات میں امین الحق، کنور نوید، فیصل سبزواری اور فروغ نسیم ، اسد عمر، شیخ رشید، شفقت محمود، علی زیدی اور عبدالحفیظ شیخ بھی شریک ہوئے۔