اسلام آباد کے مختلف علاقوں میں 9 اپریل تک لاک ڈاؤن

شبین رضا

29th Mar, 2021. 09:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد کے مختلف علاقوں میں 9 اپریل تک لاک ڈاؤن

اسلام آباد میں کورونا وباء کے بڑھتے کیسز کے باعث مختلف علاقوں میں 9 اپریل تک لاک ڈاؤن لگا دیا گیا ہے۔

تفصیلات کے مطابق اسلام آباد کے مختلف علاقوں میں لاک ڈاؤن کے نفاذ کا نوٹیفکیشن جاری کر دیا گیا۔

نوٹیفکیشن کے مطابق جن علاقوں میں لاک ڈاؤن لگایا جا رہا ہے اس میں بحریہ ٹاؤن فیز 2، سواں گارڈن بلاک بی، ڈی ایچ اے فیز ٹو سیکٹر بی اور ای، کورنگ ٹاؤن، پاکستان ٹاؤن فیز ون شامل ہیں۔

ذرائع کے مطابق نیشنل پولیس فاؤنڈیشن بلاک اے، پی ڈبلیو ڈی بلاک سی میں بھی 9 اپریل تک لاک ڈاؤن کا نفاذ رہے گا۔

لاک ڈاؤن والے علاقوں میں دکانیں، شاپنگ مالز، ریسٹورنٹس اور دفاتر بند رہیں گے جبکہ لاک ڈاؤن والے علاقوں میں ہر طرح کے عوامی اجتماع پر بھی پابندی ہو گی۔

نوٹیفکیشن کے مطابق صرف اشیائے خوردونوش کی دکانیں اور میڈیکل اسٹورز کھلے رہیں گے۔

ذرائع کے مطابق اشیائے خوردونوش کی دکانیں صبح 9 بجے سے شام 7 بجے تک کھلی رہیں گے جبکہ میڈیکل اسٹورز 24 گھنٹے کھلے رکھنے کی اجازت ہے۔

واضح رہےکہ اسلام آباد میں یکم اپریل کے بعد سے شادی کی تقریب پربھی پابندی عائد کر دی گئی ہے۔