ٹرین حادثہ: ٹرینیں تاخیر کا شکار ، مسافر پریشان

شبین رضا

07th Mar, 2021. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرین حادثہ: ٹرینیں تاخیر کا شکار ، مسافر پریشان

ٹرین حادثے کے بعد کراچی جانے والی 7 اور لاہور پہنچنے والی 8 ٹرینیں تاخیر کا شکار ہو گئیں۔

تفصیلات کے مطابق ٹرین حادثے کے بعد سے اپ ٹریک پر معطل ٹریفک تاحال بحال نہ کی جاسکی، کئی گھنٹوں سے ٹرینیں مختلف اسٹیشنز پر رُکی ہوئی ہیں۔

ذرائع کے مطابق جائے حادثہ پر پٹڑی سے اتری چار بوگیاں تاحال نہ ہٹائی جاسکیں، پنجاب جانے والا ٹریک بلاک ہونے کی وجہ سے متعدد ٹرینیں رکی ہوئی ہیں۔

مسافر ٹرینوں کو روہڑی، اور خیرپور اسٹیشنز پر روکا گیا ہے، روکی جانے والی ٹرینوں میں خیبرمیل، قراقرم، ملت ایکسپریس جبکہ گرین لائن اور سرسید ایکسپریس شامل ہیں۔

ذرائع کا کہنا ہے کہ مختلف اسٹیشنز پر روکی گئی مسافر گاڑیاں 6 سے 8 گھنٹے تاخیر کا شکار ہیں۔

دوسری جانب ریلوے حکام کا کہنا ہے کہ کراچی سے ٹرینوں کی آمد و رفت معمول کے مطابق ہوگی، شالیمار ایکسپریس مقررہ وقت 6 بجے، ہزارہ ایکسپریس 6 بج کر 15 منٹ پر جبکہ پشاور سے خیبر میل 6بجکر 40 منٹ پر برآمد ہوگی۔