بھارتی طیارے کی کراچی میں ہنگامی لینڈنگ

شبین رضا

02nd Mar, 2021. 10:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی طیارے کی کراچی میں ہنگامی لینڈنگ

کراچی: بھارتی ائیرلائن کے طیارے کی کراچی ائیرپورٹ پر ہنگامی لینڈنگ ہوئی۔

تفصیلات کے مطابق شارجہ سے بھارتی شہر لکھنؤ جانے والے انڈین ائیر لائن کے ایک طیارے کے مسافر کی طبیعت خراب ہونے پر جہاز کو ہنگامی طور پر کراچی اتار لیا گیا، 60 سالہ مسافر جہاز میں ہی انتقال کر چکے تھے۔

سول ایوی ایشن ذرائع کے مطابق شارجہ سے بھارتی شہر لکھنؤ جانے والی انڈیگو ائیرلائن کی فلائٹ نمبر آئی جی او 1412 صبح 4 بجے ایران کے راستے پاکستانی حدود میں داخل ہوئی تو جہاز میں سوار ایک مسافر کی طبیعت خراب ہو گئی۔

کپتان کی جانب سے ائیرٹریفک کنٹرول سے رابطہ کیا گیا اور انسانی ہمدردی کی بنیاد پر جہاز کو کراچی ائیر پورٹ اتارنے کی اجازت مانگی گئی۔

انسانی ہمدردی کی بنیاد پر اتھارٹیز کی جانب سے اجازت ملنے پر طیارے نے صبح 5 بجے ہنگامی طور پر کراچی کے جناح انٹرنیشنل ائیر پورٹ پر لینڈ کیا۔

ایوی ایشن ذرائع کے مطابق ہنگامی طبی امداد دیئے جانے تک 67 سالہ مسافرجہاز میں ہی انتقال کر چکے تھے۔

ڈاکٹر کی جانب سے موت کی تصدیق اور دستاویزی کارروائی کے بعد صبح 8 بج کر 36 منٹ پربھارتی ائیرلائن کا طیارہ کراچی سے احمد آباد کے لیے روانہ ہو گیا۔