برطانوی شہزادہ ہیری اور اُن کی اہلیہ میگھن مارکل کے اوپرا ونفرے کو دیئے گئے تہلکہ خیز انٹرویو دنیا کی توجہ کا مرکز بنا ہوا ہے۔

غیر ملکی ایجنسی کے مطابق برطانوی شہزادہ ہیری اور اہلیہ میگھن کے انٹرویو نے دنیا بھر میں ہلچل مچا دی ہے، سوشل میڈیا پلیٹ فارمز پر ہیش ٹیگ ’ہیری اینڈ میگھن آن اوپرا‘ ٹاپ فائیو میں ٹرینڈ کرنے لگا۔

انٹرویو پر دنیا بھر سے ملا جلا ردعمل سامنے آرہا ہے، کہیں کہا جارہا ہے کہ شاہی خاندان جوڑے کو نسل پرستانہ رویوں سے بچانے میں ناکام رہا تو کوئی شاہی خاندان کی حمایت میں سامنے آیا۔

سنسنی خیز انٹرویو ٹی وی چینلز اورعالمی میڈیا کی توجہ کا مرکز بن گیا، کئی ٹی وی چینلز اور اخبارات نے شہ سرخیوں میں جگہ دی جبکہ انٹرویو کا لیڈی ڈیانا کےمتنازع انٹرویو سے موازنہ کیا جارہا ہے

دوسری جانب برطانوی میڈیا رپورٹس کے مطابق برطانوی شہزادہ ہیری اور اہلیہ میگھن کے نسل پرستی کے دعوؤں پر رد عمل کے لیے شاہی محل کو دباؤ کا سامنا ہے۔

میڈیا کی طرف سے سوالات اٹھائے جانے کے باوجود برطانوی وزیراعظم بورس جانسن  نے چپ ساد رکھی ہے  کہا شاہی خاندانی معاملات پر تبصرہ نہیں کروں گا۔

ادھروائٹ ہاؤس ترجمان نے میگھن مارکل اور شہزادہ ہیری کےانٹرویوکی تعریف کی جبکہ نجی معاملات اور ذاتی جدوجہد پر بات کرنے پر جوڑےکوسراہا۔

یاد رہے کہ برطانوی جوڑے نے گزشتہ رات امریکی میزبان اوپرا ونفری کو اپنے ذاتی حالات زندگی سے متعلق انٹرویو دیا تھا۔