ہم عوام کو بیوقوف نہیں بننے دینگے، فیصل سبزواری

ثمرا مظہر

25th Mar, 2021. 10:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم عوام کو بیوقوف نہیں بننے دینگے، فیصل سبزواری

ایم کیو ایم پاکستان کے رہنما فیصل سبزواری کا کہنا ہے کہ ہماری پارٹی کے توسط سے ہی ملک میں عوام کی نمائندگی عوام کو ملی، اسمبلیوں میں عام آدمی کی نمائندگی دیکھنی ہو تو ایم کیوایم پاکستان کو دیکھا جائے۔

ایم کیو ایم کے یوم تاسیس پر نشتر پارک میں جلسے سے خطاب کرتے ہوئے فیصل سبزواری نے کہا کہ مزدور کی نمائندگی پاکستان بھر میں صنعت کار اور شوگرمافیا کررہے ہیں، ایم کیوایم پاکستان عوام سے وعدہ کرتی ہے کہ ہم عوام کو بیوقوف نہیں بننے دینگے۔

انہوں نے کہا کہ بھٹو صاحب کے دور سے لیکر کسی بھی مردم شماری میں شہری سندھ کے اعداد وشمار نہیں رہے،جس دن شہری سندھ کو صحیح اعداد و شمار ملے وزیراعلیٰ شہری سندھ سے ہوگا۔

فیصل سبزواری نے کہا کہ ایم کیوایم پاکستان واحد جماعت نے جس مردم شماری کے خلاف عدالتوں سے لیکر ہر فورم پر آواز اٹھائی، مردم شماری کا پانچ فیصد آڈٹ نہیں ہوسکتا تو پھر نئی مردم شماری کرائی جائے۔

رہنما ایم کیو ایم نے کہا کہ جعلی ڈومیسائل کی بنیاد پر شہری سندھ کے بچوں کی نوکریاں چھین لی گئیں،میں تلخ ہوسکتا ہوں لیکن غدار نہیں ہوسکتا۔