پیسے کے بل بوتے پرسینیٹ الیکشن چرانے والے ناکام ہوں گے ، فردوس

شبین رضا

01st Mar, 2021. 03:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیسے کے بل بوتے پرسینیٹ الیکشن چرانے والے ناکام ہوں گے ، فردوس

فردوس عاشق کا کہنا ہے کہ پیسے کے بل بوتے پرسینیٹ الیکشن چرانے والے ناکام و نامراد ہوں گے۔

تفصیلات کے مطابق معاون خصوصی وزیراعلیٰ پنجاب ڈاکٹر فردوس عاشق اعوان کا سینیٹ الیکشن سے متعلق کہنا ہے کہ وزیراعظم عمران خان سینیٹ انتخابات کےشفاف انعقاد کو یقینی بنانا چاہتے ہیں، وزیراعظم کا شفاف الیکشن کا اقدام اپوزیشن کو ہضم نہیں ہو رہا۔

انھوں نے کہا ہے کہ اپوزیشن پیسے کی چمک سے اکثریت بناکر ایوان کو ہائی جیک کرنا چاہتی ہے، ایوان کو پیسے کے زور پر ہائی جیک کرنا اپوزیشن کی خام خیالی ہے۔

معاون خصوصی وزیراعلیٰ پنجاب نے کہا کہ کرپشن کی روک تھام اور قومی مفاد کی قانون سازی کو رکوانا اپوزیشن کا مقصد ہے۔

ان کا مزید کہنا تھا کہ سپریم کورٹ کی رائے کے بعد انتخابات کی شفافیت یقینی بنانا الیکشن کمیشن کی ذمہ داری ہے۔