سینیٹر عرفان صدیقی بھی عالمی وباء کا شکار ہوگئے

ثمرا مظہر

20th Mar, 2021. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹر عرفان صدیقی بھی عالمی وباء کا شکار ہوگئے

وفاقی دارالحکومت اسلام آباد میں عالمی وباء کورونا وائرس کے کیسز تیزی سے سامنے آرہے ہیں جس کے نتیجے میں سیاسی رہنما بھی مہلک بیماری کا شکار ہونے لگے۔

تفصیلات کے مطابق کورونا کی تیسری لہر کے باعث وزیراعظم عمران خان کے بعد ن لیگی سینیٹر عرفان صدیقی بھی کورونا سے متاثر ہوگئے ہیں۔

سابق وزیراعظم کے معاون خصوصی عرفان صدیقی نے طبیعت ناسازی کے باعث کورونا ٹیسٹ کرایا، جس کا نتیجہ مثبت آیا، کورونا ٹیسٹ کی رپورٹ مثبت آںے پر عرفان صدیقی نے خود کو گھر میں قرنطینہ کرلیا ہے۔

خیال رہے کہ اس سے قبل معاون خصوصی ڈاکٹر فیصل سلطان نے سماجی رابطے کی ویب سائٹ ٹوئٹر پر وزیراعظم عمران خان کے کورونا ٹیسٹ مثبت آنے کی تصدیق کرتے ہوئے بتایا تھا کہ وزیراعظم کو کچھ علامات محسوس ہوئی تھیں جس پر انہوں نے کورونا ٹیسٹ کرایا، جس کا نتیجہ مثبت آیا، کورونا ٹیسٹ مثبت آنے پر عمران خان نے تمام سیاسی سرگرمیاں ترک کرکے خود کو بنی گالہ میں قرنطینہ کرلیا۔