سائبر صلاحیتوں کی حامل پارلیمنٹ سے حکومتی کارکردگی بہتر بنانے میں مدد ملے گی، صدر مملکت

کلثوم ہرا

21st Apr, 2021. 06:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سائبر صلاحیتوں کی حامل پارلیمنٹ سے حکومتی کارکردگی بہتر بنانے میں مدد ملے گی، صدر مملکت
وزیر اعظم اور صدر مملکت کی بڑی بیٹھک؛ آزاد کشمیر میں ممکنہ سیاسی تبدیلیوں پر اہم گفتگو
اپنی قوت پر اعتماد کریں کوئی تمہارا بال بیکا نہیں کر سکتا، مولانا فضل الرحمن
کراچی، ٹائروں کے گودام میں خوفناک آتشزدگی، 19 گھنٹوں سے ریسکیو آپریشن جاری

Now Reading:

سائبر صلاحیتوں کی حامل پارلیمنٹ سے حکومتی کارکردگی بہتر بنانے میں مدد ملے گی، صدر مملکت

صدر مملکت ڈاکٹر عارف علوی نے کہا کہ سائبر صلاحیتوں کی حامل پارلیمنٹ سے حکومتی کارکردگی اورشفافیت بہتر بنانے میں مدد ملے گی۔

تفصیلات کے مطابق صدر مملکت ڈاکٹر عارف علوی کی زیرِ صدارت پارلیمنٹ کی ڈیجیٹلائزیشن کے متعلق اجلاس ہوا ہے۔

صدر مملکت نے کہا کہ متعلقہ اسٹیک ہولڈرز جنوری 2023 تک پارلیمنٹ کے ڈیجیٹلائزیشن کے عمل کو نافذ کریں گے اور اہم منصوبے کی جلد تکمیل کے لئے مربوط انداز میں کام کریں گے۔

عارف علوی نے کہا کہ سائبر صلاحیت کی حامل پارلیمنٹ منصوبے کو مقررہ وقت میں پورا کرنے کی ضرورت ہے۔

انہوں نے کہا کہ ڈیجیٹل پارلیمنٹ کے پی سی ون کی بروقت تشکیل پر وزارت آئی ٹی تعریف کی مستحق ہے۔

بریفنگ میں بتایا گیا کہ پارلیمنٹ ہاؤس کو سائبر صلاحیت سے لیس کرنے کے پروجیکٹ کا پی سی ون تیار کر لیا گیا ہے۔

چئیرمین سینیٹ اور اسپیکر قومی اسمبلی نے صدر مملکت ڈاکٹر عارف علوی کے سائبر پارلیمنٹ منصوبے کو سراہا ہے۔

چئیرمین سینیٹ اور اسپیکر قومی اسمبلی نے منصوبے کی جلد تکمیل کے لئے تعاون کی یقین دہانی بھی کرائی ہے۔

اجلاس میں چئیرمین سینیٹ محمد صادق سنجرانی ،اسپیکر قومی اسمبلی اسد قیصر، وفاقی وزیر ِ آئی ٹی سید امین الحق اور اعلیٰ حکام نے بھی شرکت کی ہے۔