پاکستان اور ازبکستان ترجیحی تجارت کے معاہدے پر مشاورتی اجلاس

وریشہ مسعود

06th Apr, 2021. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور ازبکستان ترجیحی تجارت کے معاہدے پر مشاورتی اجلاس

مشیر تجارت عبدالرزاق داؤد کی زیر صدارت پاکستان اور ازبکستان ترجیحی تجارت کے معاہدے پر مشاورتی اجلاس ہوا جس میں سیکرٹری کامرس اور وزارت تجارت کے دیگر عہدیداروں نے شرکت کی۔

اجلاس میں بریفنگ کے دوران کہا گیا کہ ازبکستان نے ٹیرف میں کمی کے لئے اپنی درخواست کی فہرست شیئر کردی۔

اجلاس میں کہا گیا کہ وزارت تجار ت سرکاری اور نجی شعبے کے اسٹیک ہولڈرز کے مشورے سے پاکستان کی درخواست کو حتمی شکل دینے کے عمل میں ہے۔

بریفنگ دیتے ہوئے یہ بھی کہا گیا کہ نجی شعبے، متعلقہ وزارتوں اور محکموں کا ان پٹ تفصیلی مشاورت کے ذریعے حاصل کیا گیا ہے۔

اجلاس میں بریفنگ کے دوران مزید کہا گیا کہ ٹی ڈی اے پی کے ذریعہ کراچی اور لاہور میں سیمینار منعقد کئے جائیں گےاور تاجر برادری کو پی ٹی اے سے آگاہ کیا جائے گا۔

مشیر تجارت عبدالرزاق داؤد نے اجلاس کی صدارت کرتے ہوئے کہا کہ نجی شعبے کے اسٹیک ہولڈرز، ازبکستان کے ساتھ تجارت کرنے والی کمپنیوں سے مشاورت کا حتمی دور مکمل کیا جائے۔