موجودہ حکومت صحافیوں کو تحفظ دینے میں ناکام رہی ، اسفندیار ولی خان

وریشہ مسعود

21st Apr, 2021. 12:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موجودہ حکومت صحافیوں کو تحفظ دینے میں ناکام رہی ، اسفندیار ولی خان

عوامی نیشنل پارٹی (اے این پی) کے سربراہ اسفندیار ولی خان نے کہا ہے کہ موجودہ حکومت صحافیوں کو تحفظ دینے میں ناکام رہی ہے۔

تفصیلات کے مطابق عوامی نیشنل پارٹی (اے این پی) کے سربراہ اسفندیار ولی خان نے اپنے ایک بیان میں سینئر صحافی اور سابق چیئرمین پیمرا ابصار عالم پر قاتلانہ حملے کی شدید الفاظ میں مذمت کی ہے۔

اپنے بیان میں عوامی نیشنل پارٹی (اے این پی) کے سربراہ نے کہا کہ ابصار عالم پر حملہ ایک بزدلانہ حرکت ہے، ایسی بزدلانہ حرکتوں سے صحافیوں کو ڈرایا نہیں جاسکتا۔

اسفند یار ولی خان نے یہ بھی کہا کہ اسلام آباد جیسے شہر میں صحافیوں پر قاتلانہ حملے کیے جارہے ہیں، موجودہ حکومت صحافیوں کو تحفظ دینے میں ناکام رہی ہے۔

عوامی نیشنل پارٹی (اے این پی) کے سربراہ اسفندیار ولی خان نے مطالبہ کیا کہ حکومت حملے میں ملوث افراد کو گرفتار کرکے کیفر کردار تک پہنچائے، ایسی بزدلانہ حرکتوں سے صحافیوں کو ڈرایا نہیں جاسکتا۔