ہمارا نظریہ ایک عام آدمی کی زندگی کو بہتر بنانا ہے،وزیراعظم

وریشہ مسعود

22nd Apr, 2021. 05:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمارا نظریہ ایک عام آدمی کی زندگی کو بہتر بنانا ہے،وزیراعظم

وزیراعظم عمران خان نے کہا ہے کہ ہمارا نظریہ ایک عام آدمی کی زندگی کو بہتر بنانا ہے۔

تفصیلات کے مطابق وزیراعظم عمران خان نے تقریب سےخطاب کرتے ہوئے کہا کہ ماہی گیروں کا طبقہ بہت مشکل زندگی گزارتا ہے، ماہی گیروں کو بااختیار بنانے کا پروگرام شروع کرنے پر ٹیم کو مبارک باد دیتا ہوں۔

وزیراعظم نے کہا کہ ماہی گیروں کاطبقہ بہت محنت کش ہوتا ہے، کامیاب جوان پروگرام کے ذریعے ماہی گیروں کو قرضے دیں گے۔

عمران خان نے یہ بھی کہا کہ شہروں میں بغیر منصوبہ بندی کے آبادی بڑھ رہی ہے جبکہ بغیر منصوبہ بندی کے باعث شہروں میں آلودگی میں اضافہ بھی ہورہا ہے۔

وزیراعظم کا کہنا تھا کہ ملک میں زیتون کےدرخت لگانے سے انقلاب آرہا ہے، ملک سےغربت کم کرنا ہماری کامیابی ہے جبکہ غریب کی حالت بدلنے سے ملکی معیشت بہتر ہوگی۔

عمران خان کا یہ بھی کہنا تھا کہ عام آدمی کی زندگی میں آسانیاں پیداکرنا ہمارامنشور ہے، بینک غریب لوگوں کو قرضے دینے میں آسانیاں پیدا کریں۔

وزیراعظم عمران خان کا مزید کہنا تھا کہ کراچی میں 40فیصد کچی آبادی ہے، اگر اسی طرح بغیر منصوبہ بندی کے آبادی کا پھیلاوَ جاری رہا تو مشکلات میں اضافہ ہوگا۔