مسلم لیگی رہنما رانا ثناء اللہ کا کہنا ہے کہ ان لوگوں نے ریاست کی رٹ فارغ کر دی ہے، یہ اپنا تھوکا ایک ایک کر کے چاٹیں گے۔

تفصیلات کے مطابق لاہور میں میڈیا سے گفتگو کرتے ہوئے مسلم لیگ ن کے مرکزی رہنما رانا ثناء اللہ کا کہنا تھا کہ عمران خان حواس باختہ انسان ہیں، عمران خان کو معلوم ہی نہیں کہ سلمان رشدی نے کب کتاب لکھی اور اس وقت وزیراعظم کون تھا۔

حکومت پر تنقید کرتے ہوئے مسلم لیگی رہنما نے کہاکہ معاہدے پروزیرقانون اور وزیرمذہبی امورکےدستخط موجودہیں، معاہدےمیں لکھا گیا تھا کہ فرانس کےسفیرکو20اپریل تک ملک بدرکیاجائےگا۔

رانا ثناء اللہ نے کہاکہ حکومت نےمعاہدہ ختم ہونےسے10روزقبل ہی گرفتاریاں شروع کردیں، حکومت نے20اپریل سےپہلےسعدرضوی کوکیوں گرفتارکیا؟

انہوں نے کہاکہ حکومت کو20اپریل سےپہلےگرفتاری نہیں کرنی چاہیےتھی،20اپریل سےقبل معاہدےکی خلاف ورزی کرتےتوحکومت ایکشن لیتی۔

انہوں نے کہا کہ یہ پانچ ماہ میں معاہدہ پارلیمنٹ میں کیوں نہیں لائے، پارلیمنٹ تحریک لبیک پاکستان کے لوگوں سے بات کرتی، انہیں سمجھانے والی بات سمجھائی جاتی، 20 اپریل کو معاہدہ ختم ہو رہا تھا، تحریک لبیک پاکستان کے سربراہ کو  پہلے کیوں گرفتار کیا گیا، آپ معاہدہ ختم ہونے سے 10 دن پہلے ان پر چڑھ دوڑے اور گرفتاریاں شروع کر دیں۔

رانا ثناء اللہ کا کہنا تھا کہ موجودہ حکومت نے ریاست کی رٹ کو  بالکل فارغ کر دیا ہے، یہ خود سڑکیں بلاک کرتے رہے ہیں، ایسی تقاریر کرتے رہے ہیں،  ان کے خلاف کسی نے طاقت کا استعمال نہیں کیا تھا۔