کورونا کیسز میں اضافہ، خیبرپختونخوا میں نئی پابندی عائد

ثمرا مظہر

02nd Apr, 2021. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا کیسز میں اضافہ، خیبرپختونخوا میں نئی پابندی عائد

خیبرپختونخوا حکومت کی جانب سے کورونا کیسز میں اضافے کے پیش نظرہفتے میں دو روز عوامی ٹرانسپورٹ بند رکھنے کا اعلان کردیا گیا ہے۔

رپورٹ کے مطابق کورونا کی تیسری لہر تیزی سے پھیلنے کے بعد خیبرپختونخوا حکومت نےعوام کی حفاظت کے لیے اقدامات سخت کرتے ہوئے ہفتے اور اتوار کو پبلک ٹرانسپورٹ کو مکمل بند رکھنے کا اعلان کیا ہے۔

اس سلسلے میں صوبائی حکومت کی جانب سے نوٹیفکیشن جاری کردیا گیا، نوٹیفکیشن کے مطابق فیصلےکا اطلاق پرائیویٹ گاڑیوں اور مال بردارٹرانسپورٹ پر نہیں ہوگا۔

خیال رہے کہ اس سے قبل محکمۂ داخلہ خیبرپختونخوا نے30 مارچ کو گھر میں اور باہر (ان ڈور، آؤٹ ڈور) شادی سمیت دیگر تقریبات پر پابندی عائد کی ہے۔

محکمہ داخلہ نے اعلامیہ جاری کرتے ہوئے کہا کہ پشاور، چارسدہ، صوابی، لوئردیر، کوہاٹ اور نوشہرہ میں کسی بھی قسم کی تقریب پر پابندی ہوگی۔