نہ آر ہوا نہ پار، ان کا کام تمام ہوا، شیخ رشید

شبین رضا

04th Apr, 2021. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نہ آر ہوا نہ پار، ان کا کام تمام ہوا، شیخ رشید

وزیر داخلہ شیخ رشید احمد نے کہا ہے کہ نہ آر ہوا نہ پار، ان کا کام تمام ہوا۔

تفصیلات کے مطابق اسلام آباد میں میڈیا بریفنگ کے دوران وزیر داخلہ شیخ رشید نے حکومت مخالف اپوزیشن اتحاد پاکستان ڈیموکریٹک موومنٹ سے متعلق کہا ہے کہ پی ڈی ایم ٹائیں ٹائین فش ہوگئی۔ پی ڈی ایم کی سیاست کا فائدہ عمران خان کو ہو گا۔

انہوں نے ساتھ ہی پیش گوئی کی کہ پیپلز پارٹی نے نیا مؤقف اختیار کرلیا ہے اور مسلم لیگ (ن) میں نئی باتیں سامنے آرہی ہیں اس لیے دونوں پارٹیاں اپنی سیاست میں ہمہ گیر تبدیلی لینے جارہی ہیں۔

شیخ رشید نے کہاکہ مریم نواز کی ای سی ایل سے نام نکالنے کے لیے کوئی درخواست نہیں آئی۔ وزیر اعظم نے کہا ہے کہ مریم نواز کو باہر جانے کی اجازت نہیں دیں گے۔

انہوں نے کہا کہ جب وزیر اعظم عمران خان مہنگائی کے خلاف اقدامات کی نگرانی کرنے کا خود کہہ رہے ہیں تو اس کا مطلب ہے کہ سارے چور اندر جائیں گے۔

شیخ رشید نے امید ظاہر کی کہ جب وزیر اعظم اشیا ضروریہ کی قیمتوں کے معاملات دیکھیں گے تو کسی مافیا کی ہمت نہیں ہوگی کہ وہ رمضان المبارک میں عوام کا خون چوسے۔

وفاقی وزیر داخلہ شیخ رشید احمد نے یہ بھی کہا کہ ہم نے بہتر انداز میں کورونا وائرس کی پہلی دو لہروں کا مقابلہ کیا ہے، اب بھی کریں گے۔

انہوں نے کہا کہ آصف علی زرداری چھاتی کے ساتھ تاش لگا کر کھیلتے ہیں۔ لاہور جلسے کے بعد پی ڈی ایم ٹھس ہو گئی ہے اور آصف علی زرداری نے ان کو کھیلایا ہے۔ نہ آر ہوا نہ پار، ان کا کام تمام ہوا۔