علمائے کرام کی سعد رضوی سے ملاقات، احتجاج ختم کرنے کی درخواست

وریشہ مسعود

19th Apr, 2021. 09:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علمائے کرام کی سعد رضوی سے ملاقات، احتجاج ختم کرنے کی درخواست

چئیرمین پنجاب قرآن بورڈ صاحبزادہ حامد رضا کی قیادت میں علمائے کرام کے وفد نے کالعدم جماعت تحریک لبیک کے سربراہ سعد رضوی سے ملاقات کی جس میں علماء نے سعد رضوی کو احتجاج ختم کرنے کی درخواست کی ہے۔

ذرائع کے مطابق ملاقات میں علماء کرام نے کہا کہ انتشار اور جلاؤ گھیراؤ سے اپنے ملک کا نقصان ہوا، آپ سے درخواست ہے کہ امن وامان کی فضا قائم رکھی جائے اور لاہور کا دھرنا بھی ختم کیا جائے ۔

علمائے کرام نے سعد رضوی سے درخواست کی کہ وہ مظاہرین سے احتجاج ختم کرنے کا کہیں اور اس سلسلے میں ایک ویڈیو پیغام بھی جاری کریں۔

وفد میں صاحبزادہ حامد رضا، ثروت اعجازقادری، میاں جلیل شرقپوری، صاحبزادہ ابوالخیرزبیر اوردیگر شامل تھے۔

دوسری جناب حکومت کی جانب سے کالعدم قرار دی جانے والی جماعت تحریک لبیک پاکستان (ٹی ایل پی) سے ملاقات کرنے والے پنجاب قرآن بورڈ کے چیئرمین صاحبزادہ حامدرضا کا بیان سامنے آگیا۔

کوٹ لکھپت جیل میں سعد رضوی سےملاقات کے بعد صاحبزادہ حامدرضا نے اپنے بیان میں کہا کہ سعد رضوی نے کارکنان سےپرامن رہنےکی اپیل کی ہے۔

انہوں نے بتایا کہ پیش رفت ہوئی ہے اور مذاکرات کااگلادوربھی جلد شروع ہوگا،امید ہے مذاکرات میں جو طے ہوگا حکومت اس پرعمل کرے گی۔