چینی اسکینڈل، نیب کی طرف سے وزیراعلیٰ پنجاب کو طلب کیے جانے کا امکان

کلثوم ہرا

28th May, 2021. 11:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چینی اسکینڈل، نیب کی طرف سے وزیراعلیٰ پنجاب کو طلب کیے جانے کا امکان

چینی اسکینڈل میں قومی احتساب بیورو کی طرف سے وزیراعلیٰ پنجاب سردار عثمان بزدار کو طلب کیے جانے کا امکان ہے۔

ذرائع نیب کے مطابق قومی احتساب بیورو کی جانب سے وزیراعلیٰ پنجاب سردار عثمان بزدارکو جلد طلب کیا جاسکتا ہے جبکہ وزیراعلیٰ پنجاب کے پرسنل سیکریٹری راحیل صدیقی کو بھی طلب کیا جائے گا۔

ذرائع کا کہنا ہے کہ وزیراعلیٰ پنجاب سے چینی پر دی جانے والی سبسڈی پر سوال ہوں گے جبکہ عثمان بزدار سے شوگر ملز کو سبسڈی دئیے جانے کی تحقیقات بھی ہوں گی۔

نیب کی جانب سے وزیراعلیٰ عثمان بزدار سے پوچھا جائے گا کہ سبسڈی دینے کا کس نے کہا تھا۔

ذرائع کا کہنا ہے کہ نیب اس سے پہلے 3 صوبائی وزراء سے بھی تحقیقات کر چکا ہے۔

یاد رہے کہ صوبائی وزراء میں محسن لغاری، میاں اسلم اقبال اور سمیع اللہ چوہدری شامل ہیں۔