پاکستان شوبز انڈسٹری کی اداکارہ زویا ناصر کی شادی کی تقریبات کا آغاز ہو گیا ہے۔

اداکارہ زویا ناصر کی نومسلم جرمن یوٹیوبر کرسٹن بیٹزمین کی شادی کی تقریبات کی تصویر سوشل میڈیا پروائرل ہو گئی ہے۔

اداکارہ زویا ناصر نے اپنی پہلی ڈھولکی کی تصویر فوٹو اینڈ ویڈیو شیئرنگ ایپ انسٹاگرام پرپوسٹ کی ہے جس میں اُن کے ہمراہ اُن کے ہونے والے شوہر کرسٹن بیٹزمین بھی موجود ہیں۔

اداکارہ کی جانب سے پوسٹ کی جانے والی تصویر میں دیکھا جا سکتا ہے کہ اس جوڑی کے ہمراہ ان کا بہترین دوست یوٹیوبر شاہویر جعفری بھی موجود ہیں۔

زویا ناصر نے اپنی پہلی ڈوھلکی پر سیاہ رنگ کا خوبصورت لباس زیب تن کیا ہوا ہے جبکہ اُن کے منگیتر نے اپنی اہلیہ کے لباس سے ملتے جلتے رنگ کا انتخاب کیا ہے۔

اداکارہ نے تصویر کے کیپشن میں لکھا کہ ہماری پہلی ڈھولکی اور میرے دو انمول رتن۔

زویا ناصر نے دعا کی کہ اللّہ تعالیٰ ہمیں ہمیشہ اسی طرح خوش اور ساتھ رکھے۔

اداکارہ نے اپنے دوستوں کے لیے لکھا کہ میں خدا کا شکریہ ادا کرتی ہوں کہ اس نے جس دن اُسے مجھے تُم سب سے ملوایا۔

دوسری جانب زویا ناصر کے ہونے والے شوہر کرسٹن بیٹزمین نے بھی اپنے انسٹاگرام اکاؤنٹ پر اپنی پہلی ڈھولکی کی تصویر شیئر کی ہے۔

اس سے قبل اداکارہ زویا ناصر نے نومسلم یوٹیوبر کرسٹن سے جلد شادی کرنے کا عندیہ دیا تھا۔

جبکہ جرمن وی لاگر کرسٹن کی جانب سے انسٹاگرام پر زویا ناصر کے ہمراہ تصاویر شیئر کی تھی۔

 دوسری جانب کرسٹن کی جانب سے پوسٹ کی جانے والی تصویر کی کیپشن میں بتایا گیا تھا کہ انہوں نے آخر کار 6 ہفتوں بعد زویا سے ملاقات کی ہے۔

جرمن وی لاگر نے یہ بھی بتایا تھا کہ اب وہ ساتھ نئے وی لاگز اور ویڈیوز میں نظر آئیں گے۔

تاہم ایک صارف نے ان سے اس پوسٹ پر شادی کے حوالے سے سوال کیا جس کے جواب میں جرمن وی لاگر نے کہا کہ ’ہم دونوں جلد شادی کرلیں گے۔‘

واضح رہے کہ  پاکستانی اداکارہ زویا ناصر نے حال ہی میں اسلام قبول کرنے والے جرمن وی لاگر اور یوٹیربر کرسٹن بیٹزمین نے منگنی کی تھی۔

سوشل میڈیا پر دونوں نے ساحل سمندر پر انگوٹھی سمیت تصاویر بھی شیئر کی تھیں۔

اس موقع پر جرمن یوٹیوبر کا کہنا تھا کہ اسلام امن کا مذہب ہے اور دائرہ اسلام میں داخل ہونے کے بعد جو خود کے اندر محسوس کیا ہے وہ اس سے پہلے کبھی محسوس نہیں کیا تھا۔