وزیر اعظم عمران خان نے کہا ہے کہ عوام کو ہر صورت تحفظ فراہم کریں گے۔

تفصیلات کے مطابق وزیراعظم عمران خان سے قائد حزب اختلاف سندھ اسمبلی حلیم عادل شیخ  نے ملاقات کی ہے۔

ملاقات میں ملکی سیاسی صورتحال پر گفتگو کی گئی ہے۔

حلیم عادل شیخ  نے کہا کہ سندھ حکومت پانی کے معاملے پر سیاست کر رہی ہے۔

انہوں نے سندھ میں بدامنی پر رپورٹ وزیراعظم کو پیش کر دی جبکہ پیش کی گئی رپورٹ 12 صفحات پر مشتمل ہے۔

ملاقات میں پیش کی گئی رپورٹ میں ڈاکو راج کی اصل وجوہات اور گروہوں کی تفصیلات بھی شامل ہیں  جن میں ڈاکوؤں نے کتنی ڈکیتیاں ،اغوا اور قتل کی وارداتیں کیں ،سندھ کے کن کن علاقوں میں ڈاکو راج ہے، ڈاکو کتنےعلاقوں میں قابض،کون سا اسلحہ استعمال کرتے ہیں ،ڈاکوؤں کے ہاتھوں اندرون سندھ کے کتنے لوگ مارے جا چکے ہیں سب رپورٹ میں شامل تھا۔

حلیم عادل نے کہا کہ پانی والا مسئلہ چھیڑ کر بدامنی سے توجہ ہٹانے کی کوشش کر رہے ہیں۔

وزیراعظم نے سندھ میں بدامنی پر اظہار تشویش کرتے ہوئے کہا کہ سندھ کےعوام کو لاوارث نہیں چھوڑ سکتے۔

حلیم عادل شیخ نے آئی جی سندھ کی برطرفی کا مطالبہ کر دیا ہے۔

قائد حزب اختلاف سندھ اسمبلی حلیم عادل شیخ  کا مزید کہنا تھا کہ سندھ حکومت وفاق کوکمزور کرنا چاہتی ہے۔

ملاقات میں اراکین قومی اسمبلی اقبال آفریدی، ساجدہ بیگم اور عامر ڈوگر بھی شرکت کی۔