سعودی وزیرخارجہ کا کہنا ہےکہ سعودی ولی عہد بھی پاکستان کا دورہ کرنے کے خواہشمند ہیں۔

تفصیلات کے مطابق سعودی وزیر خارجہ شہزادہ فیصل بن فرحان السعود نے ٹی وی کو انٹرویو دیتے ہوئے کہا کہ دونوں مما لک کی تاریخ میں وزیراعظم پاکستان کا دورہ اہم ہے۔

سعودی وزیر خارجہ نے کہاکہ شہزادہ محمد بن سلمان نے پاکستانی قیدیوں کی رہائی کا اعلان کیا ہے، پاکستانی قیدیوں کی رہائی کے لیےاقدامات کیے جارہےہیں۔

سعودی وزیر خارجہ شہزادہ فیصل بن فرحان السعود نے کہاکہ پاکستان اورسعودی عرب مسلم امہ کودرپیش چیلنجز سےنمٹنےکےلیےکام کررہےہیں ، دونوں ممالک ایک دوسرے کےتجربات سےفائدہ اٹھا سکتے ہیں۔

انہوں نے کہاکہ موسمیاتی تبدیلی سےنمٹنےکےلیےمل کرکام کرسکتے ہیں، سعودی عرب ماحولیاتی چیلنج سے نمٹنےکےلیےکوشاں ہے۔

سعودی وزیرخارجہ نے کہاکہ پاکستانی سعودی عرب کی ترقی میں اہم کردارادا کررہےہیں، سعودی عرب میں بہت سے پاکستانی کام کرتے ہیں۔

شہزادہ فیصل بن فرحان السعود نے کہاکہ عالمی برادری کےدرمیان اسلاموفوبیا سےنمٹنے کے لیے بات چیت کی ضرورت ہے ۔ پاکستان اسلاموفوبیا سے نمٹنے میں کلیدی کرداراداکررہاہے۔

انہوں نے کہاکہ وزیراعظم عمران خان کےدورے کے دوران انٹرویو دینے پرخوشی ہے، دونوں ممالک کے 70 سال پر محیط تعلقات انتہائی اہم ہیں،دورے میں سرمایہ کاری اور تجارت بڑھانے پرتوجہ ہے۔