وزیراعظم عمران خان نے کہا ہے کہ سعودی عرب کا مسلم امہ کو متحد کرنے میں اہم کردار ہے۔
تفصیلات کے مطابق ارب نیوز میں لکھے گئے آرٹیکل میں وزیراعظم عمران خان کا کہنا تھا کہ امید ہے دورہ سعودی عرب میں سعودی قیادت سے ملاقاتوں میں دو طرفہ تعلقات مزید مضبوط ہوں گے۔
عمران خان نے کہا کہ سعودی عرب سے معاشی تعاون مزید بڑھانا چاہتے ہیں۔ پاکستانیوں کے دل میں خادمین حرمین شریفین بڑا رتبہ رکھتے ہیں۔
وزیراعظم نے یہ بھی کہا کہ پاکستان سعودی عرب کے کردار کو قدر کی نگاہ سے دیکھتا ہے۔ دونوں ممالک کے درمیان معاشی تعاون کی نئی راہیں کھلیں گی۔
عمران خان کا کہنا تھا کہ مسلم امہ کو اس وقت سب سے درپیش مسئلہ اسلاموفوبیا ہے، بڑھتے ہوئے اسلاموفوبیا کو روکنے کے لیے مسلم دنیا کو متحد ہونا ہوگا۔
وزیراعظم کا یہ بھی کہنا تھا کہ ہمیں مغرب کو بتانا ہوگا ہم حضورۖ سے کتنی محبت کرتے ہیں، ہمیں بتانا ہوگا ہمارے مذہب کو دہشتگردی سے جوڑنا درست نہیں۔
عمران خان نے کہا کہ ماحولیاتی تبدیلی کرہ ارض کے لیے خطرناک ہے۔ ہمارا خطہ ماحولیاتی تبدیلی سے متاثر ہورہا ہے، ہمیں ماحولیاتی تبدیلی سے نمٹنے کے لیے اقدامات کرنے ہوں گے۔
وزیراعظم عمران خان نے مزید کہا کہ پاکستان نے کلین اینڈ گرین پاکستان منصوبہ شروع کیا، ہماری ترجیحات اس معاملے میں ایک ہی ہیں۔ پاکستان سعودی عرب کے گرین منصوبے کی کامیابی کے لیے ہر ممکن حمایت کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News