کراچی : محکمہ داخلہ نے شہریوں کے لئے پابندیوں کا نیا حکم نامہ جاری کردیا ہے۔

تفصیلات کے مطابق محکمہ داخلہ نے کورونا ایس اوپیز کےتحت 9سے 16مئی تک نئی پابندیاں عائد کردیں ہیں۔

محکمہ داخلہ کی جانب سےجاری کردہ حکم نامے کے مطابق تمام سیاحتی و تفریحی مقامات عید کی تعطیلات میں بند رہینگے۔

 9تا 16مئی تک شہریوں کی نقل وحرکت محدود رہےگی۔

اندرون شہر،انٹر سٹی اور بین الصوبائی پبلک ٹرانسپورٹ 19مئی تک بند رہیں گی۔

شہریوں کے لئے ماسک کا استعمال اور سماجی فاصلہ لازمی قرار دیا گیاہے۔

جاری کردہ حکم نامے کے مطابق  زیادہ رش والے علاقوں میں جانے سے گریز کیا جائے۔

سندھ میں تمام کاروبار ،مارکیٹیں، شاپنگ پلازہ 9تا 16مئی بند رہیں گے۔

بنیادی اشیائے ضروریہ کی دکانوں پر پابندی کا اطلاق نہیں ہوگا۔

نجی گاڑیوں،ٹیکسی  اورکیب میں نصف نشستیں خالی رکھنا ہونگی۔

 جانوروں کی خرید وفروخت کی دکانوں  پر پابندی کا اطلاق نہیں ہوگا۔

 ریسٹورنٹس صبح پانچ سےشام سات بجے تک کھلے رکھے جاسکیں گے۔

 عید بازاراور چاند رات پر لگائے جانے والے تمام بازار بند ہونگے۔

ریسٹورنٹس صرف ہوم ڈیلیوری اور ڈرائیو تھرو سروس کرسکیں گے۔

 بیکری، کریانہ اسٹور، دوددھ ، گوشت سبزی کی دکانیں صبح پانچ سے شام سات بجے تک کھلی رکھی جاسکیں گی۔