سرکاری ملازمین کیلئے خوشخبری، تنخواہوں میں 20 فیصد تک اضافے کی تجویز

ثمرا مظہر

17th May, 2021. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری ملازمین کیلئے خوشخبری، تنخواہوں میں 20 فیصد تک اضافے کی تجویز

وفاقی حکومت نے سرکاری ملازمین کی تنخواہوں و پنشن میں عبوری ریلیف کی مد میں پندرہ سے بیس فیصد اضافے کا جائزہ لینا شروع کردیا ہے۔

ذرائع وزارت خزانہ کےمطابق مختلف وزارتوں، ڈویژنز و محکموں کے ملازمین کی تنخواہوں میں بڑے پیمانے پر پائے جانے والے فرق کو دور کرنے اور ریشنلائزڈ پے اینڈ پنشن اصلاحات کے لیے نجی کمپنی کی خدمات حاصل کرنےکا فیصلہ کیا گیا ہے جو پیر سے اپنے کام کا آغاز کرے گی۔

نجی کمپنی سب سے پہلے پے اینڈ پنشن اسٹرکچر کا جائزہ لے گی اور پھر جامع اسٹڈی کرکے حکومت کو سفارشات پیش کرے گی جس کیلئے اس کمپنی کو 6 ماہ کا عرصہ درکار ہوگا۔

پے اینڈ پنشن کمیشن قائم کردہ ذیلی گروپس کی سفارشات اور نجی فرم کے ساتھ مل کر پے اینڈ پنشن سسٹم میں اصلاحات کے لیے پلان تجویز کرے گی۔

خیال رہے کہ آئندہ مالی سال 2021-22ء کا وفاقی بجٹ اگلے ماہ کے آغاز میں متوقع ہے جس کے باعث نجی کمپنی کی مکمل اسٹڈی کے آنے تک اگلے بجٹ میں سرکاری ملازمین کی تنخواہوں میں پندرہ سے بیس فیصد کے عبوری ریلیف کی تجویز زیر غور ہے۔