مسلم لیگی رہنما مفتاح اسماعیل کا کہنا ہےکہ خوشی ہےالیکشن کمیشن نےووٹوں کی دوبارہ گنتی کافیصلہ کیا ہے۔
تفصیلات کے مطابق کراچی میں میڈیا سے گفتگو کرتے ہوئے مسلم لیگ ن کے رہنما مفتاح اسماعیل نے کہاکہ آج پہلا قدم ہےامید ہے یہیں پر کام ہوجائےگا، ضرورت پڑی توبائیو میٹرک کی طرف جائیں گے۔
انہوں نے کہاکہ خوشاب میں ڈیڑھ لاکھ کےقریب ووٹ ڈالےگئے اور رزلٹ رات ایک بجےتک آگیاتھا جبکہ کراچی این اے249کا نتیجہ صبح4 بجے آیا تھا۔
واضح رہےکہ کراچی میں این اے249 کے ضمنی انتخابات کے ووٹوں کی دوبارہ گنتی آج کی جائیگی جس کا آغاز کردیا گیا ہے۔
ذرائع کے مطابق ووٹوں کی دوبارہ گنتی کے عمل میں الیکشن کمیشن نے تمام فریقین کو آر او آفس پہنچنے کی ہدایت کی تھی۔
Advertisement
اس موقع پرریجنل الیکشن کمشنر حیدر آباد ریٹرننگ آفیسر کے ہمراہ ہونگے ۔
واضح رہے کہ الیکشن کمیشن نے این اے 249 کے ضمنی انتخابات میں مسلم لیگ ن کے مفتاح اسماعیل کی ووٹوں کی دوبارہ گنتی کی درخواست پر محفوظ فیصلہ سناتے ہوئے دوبارہ گنتی کا حکم دیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
