وزیرخارجہ شاہ محمود قریشی نے کہا ہے کہ سعودی عرب کے ساتھ ہمارا تعلق مثالی ہے۔

تفصیلات کے مطابق وزیرخارجہ شاہ محمود قریشی نے اپنے ایک بیان میں کہا کہ پاکستان اور سعودی عرب کے تعلقات تاریخی ہیں۔

وزیرخارجہ نے کہا کہ کچھ لوگوں نے پاک سعودی تعلقات سے متعلق غلط پروپیگنڈا کیا ہے جبکہ ہرمشکل وقت میں سعودی عرب نے پاکستان کا ساتھ دیا ہے۔

انہوں نے یہ بھی کہا کہ مقبوضہ کشمیرمتنازع علاقہ ہے۔

شاہ محمود قریشی کا کہنا تھا کہ پاکستان اپنے اصولی موقف پرقائم ہے۔

وزیرخارجہ نے یہ بھی کہا کہ وزیراعظم عمران خان نے نقطہ نظرسعودی قیادت کوسمجھایا ہے جبکہ سعودی عرب کا کشمیر کے حوالے سے کردار ڈھکا چھپا نہیں ہے اور مسئلہ کشمیر کو یو این قراردادوں کے مطابق حل کیا جا سکتا ہے۔

انہوں نے کہا کہ آرٹیکل 370 کو مقبوضہ کشمیر کی جماعتوں نے مسترد کیا ہے۔

وزیرخارجہ نے یہ بھی کہا کہ پاکستان نے نہیں بلکہ بھارت نے معاملات کو بگاڑا ہے۔

شاہ محمود قریشی کا کہنا تھا کہ مسئلہ کشمیر پر ثالثی سے بھارت نے ہمیشہ انکار کیا ہے اور میرے خیال میں بھارت مسئلہ کشمیر پر ثالثی کے لئے تیار نہیں ہے۔

انہوں نے کہا کہ پاکستان اپنےمعاملات طے کرنے کے لئےتیار ہے 2 ایٹمی قوتیں جنگ نہیں کرسکتیں  ،واحد راستہ بات چیت ہے۔

وزیرخارجہ شاہ محمود قریشی کا مزید کہنا تھا کہ سعودی وزیرخارجہ بھی پاکستان کا دورہ کریں گے جبکہ عید کے بعد سعودی وفد بھی پاکستان آئے گا۔