وزیرخارجہ کاکہناہے کہ شہباز شریف باہر جانے کی کوشش میں ہیں۔

تفصیلات کے مطابق  وزیرخارجہ شاہ محمود قریشی نے اپنے حالیہ بیان میں کہا ہے کہ شہباز شریف کو کیسز کا سامنا کرنا چاہیے، شہبازشریف کی بیماری کا احساس ہے لیکن بیماری اتنی سنجیدہ نہیں ، ،شہبازشریف چلے گئے تو پھر ہم  پرمک مکا کا الزام لگےگا۔

انہوں نے کہاکہ حکومت کسی مک مکا کیلئے تیار نہیں ہے، حکومت نےطبی بنیادوں پر نوازشریف کو باہرجانےکی اجازت دی ، شہبازشریف نےعدالت کوگارنٹی دی تھی کہ نوازشریف علاج  کرواکر واپس آئیں گے۔

شاہ محمود قریشی نے کہا کہ شہباز شریف کا جو وعدہ تھا عدالت کو اس کا نوٹس لینا چاہیے، اب شہبازشریف کی بیماری کا جوازبنایا جا رہا ہے۔

وزیرخارجہ نے کہاکہ کیا کرپشن کےخلاف آواز صرف عمران خان نے اٹھانی ہے، کرپشن کے خلاف جہاد قومی فریضہ ہے،سب کوکرداراداکرنا ہے۔ ہم جو کرسکتے ہیں، قانونی تقاضوں سے کرینگے۔

انہوں نے کہاکہ فلسطین کےواقعے پرہمیں بے پناہ تشویش ہے،عمرے کے بعد سیکریٹری جنرل اوآئی سی سےمیٹنگ ہوئی ،سیکریٹر ی جنرل اوآئی سےفلسطین کی صورتحال پربات کی گئی۔

وزیرخارجہ نے بتایاکہ وزیراعظم عمران خان نےمطالبہ کیا ہمیں امہ کویکجا کرنے کی ضرورت ہے، تمام مسلم ممالک آوازاٹھائیں گےتوفرق پڑےگا۔