وزیرداخلہ شیخ رشید احمد نے کہا ہے کہ کراچی سے منشیات کا خاتمہ کروں گا یہ میرا کام ہے۔

تفصیلات کے مطابق وزیرداخلہ شیخ رشید احمد نے اپنے ایک بیان میں کہا کہ وزیراعظم اپنی حکومت کے 5 سال پورے کریں گے۔

انہوں نے کہا کہ سندھ میں کوئی گورنر راج نہیں لگایا جا رہا اور کسی مشن پر نہیں آیا ،امن وامان صوبے کا معاملہ ہے۔

وزیرداخلہ  کا کہنا تھا کہ جو فیصلہ کرنا ہے وزیراعظم نے کرنا ہے، عمران خان کو سندھ کے امن وامان سے متعلق رپورٹ پیش کروں گا۔

شیخ رشید نے کہا کہ جہاں جہاں لا قانونیت ہو گی وہاں کے صوبے کو سپورٹ کریں گے۔

انہوں نے یہ بھی کہا کہ کل صبح وزیراعلیٰ سندھ مراد علی شاہ سے ملوں گا۔

وزیرداخلہ کا کہنا تھا کہ آج ڈی جی رینجرز سندھ سے بھی ملاقات ہو گی۔

شیخ رشید نے کہا کہ وزیراعظم کی ہدایت پر کراچی اور سندھ میں امن وامان کا جائزہ لینے آیا ہوں۔

انہوں نے یہ بھی کہا کہ تمام اداروں سے میٹنگ کے بعد تفصیلی پریس کانفرنس کروں گا۔

شیخ رشید نے کہا کہ کل شام 4 بجے تفصیلات سے آگاہ کروں گا، رنگ روڈ معاملےکی تحقیقات ہو رہی ہے۔

انہوں نے یہ بھی کہا کہ تحریک انصاف میں صرف ایک گروپ ہے جو عمران خان ہے۔

وزیرداخلہ شیخ رشید  کا کہنا تھا کہ وزیراعظم عمران خان کے دورمیں ایک چھرے والی بندوق کا بھی لائسنس جاری نہیں ہوا۔