وفاقی وزیر اطلاعات چوہدری فواد حسین نے کہا ہے کہ وزیر اعظم عمران خان نے وزیر داخلہ شیخ رشید احمد کو سندھ کا دورہ کرنے کی ہدایت کردی ہے۔

تفصیلات کے مطابق وفاقی وزیر اطلاعات چوہدری فواد حسین نے سماجی رابطے کی ویب سایٹ ٹویٹر پر اپنے ایک پیغام میں کہا کہ وزیر اعظم عمران خان نے گورنر سندھ عمران اسماعیل اور وزیر پلاننگ اسد عمر سے سندھ کی صورتحال پر تفصیلی گفتگو کی ہے۔

ان معلومات پر نوٹس لیتے ہوئے وزیر اعظم نے وزیر داخلہ شیخ رشید آحمد کو ھدائیت کی ہے کہ وہ سندہ کا دورہ کریں اور قانون نافذ کرنیوالے اداروں سے مل کراس صورتحال پر حکمت عملی طے کریں، وزیر داخلہ اس دورے کے بعد اپنی رپورٹ وزیر اعظم کے سامنے رکھیں گے

— Ch Fawad Hussain (@fawadchaudhry) May 25, 2021

انہوں نے کہا کہ دونوں اکابرین نے وزیراعظم کو سندھ کی انتظامی ،بدانتظامی خصوصاً امن و امان اور بڑھتے ہوئے جرائم پر اپنی شدید تشویش سے آگاہ کیا ہے۔

چوہدری فواد کا کہنا تھا کہ قانون نافذ کرنے والے اداروں سے مل کر اس صورتحال پر حکمت عملی طے کریں گے۔

وفاقی وزیر اطلاعات چوہدری فواد حسین کا مزید کہنا تھا کہ وزیر داخلہ شیخ رشید احمد اس دورے کے بعد اپنی رپورٹ وزیر اعظم کے سامنے رکھیں گے۔