پی ٹی آئی رہنما شہباز گل کا کہنا ہے کہ ان کی قیمت بہت کم ہے،آج این آر او دیں تو یہ عمران خان کوووٹ دینگے۔

تفصیلات کے مطابق وزیراعظم کے معاون خصوصی برائے سیاسی روابط شہباز گل نے میڈیا سے گفتگو کرتے ہوئے کہاکہ اگرعمران خان آج این آراو دے دیں تویہ سب خاموش ہوجائیں گے۔ پہلے دن سے اپوزیشن نے سکون سےکام نہیں کرنے دیا، کورونا وباء کے باوجود اپوزیشن نے گندی سیاست کی۔

انہوں نے کہاکہ حکومت 5 منٹ میں جاتی ہے یا2 سال بعد عمران خان کوپرواہ نہیں، عوام کی خدمت کرنی ہے، اپوزیشن میں بھی بیٹھ کر کرسکتے ہیں۔

وزیراعظم کے معاون خصوصی برائے سیاسی روابط نے کہاکہ جب حکومت ملی تو 20 ارب ڈالر کا کرنٹ اکاؤنٹ خسارہ تھا، عوام کو معلومات توڑ مروڑ کر بتایاجاتاتھا، قرض لے گھر میں کمرے ڈال دیں تو گروتھ تونظر آئےگی، قرضے لے کر مصنوعی گروتھ د کھائی جاتی تھی۔

شہباز گل نے کہاکہ عمران خان کو ملک سنبھالتے ہی چیلنجز کا سامنا تھا، معیشت کی بدحالی کےباوجود کورونا کا بہترین مقابلہ کیا۔

عمران خان نےایمانداری اورمحنت سےعوام کی خدمت کی، ان چوروں نے ہمیشہ بیرون مقیم پاکستانیوں کی حق تلفی کی،عمران خان نے ہمیشہ بیرون ملک مقیم پاکستانیوں کا احساس کیا، بیرون ملک مقیم پاکستانیوں کی حب الوطنی پرشک نہیں کیا۔

مسلسل 10 ماہ سےاوورسیز پاکستانیوں نے پیسے بھیجنے کے ریکارڈ توڑدیئے ہیں، برآمدات میں13 فیصد اضافہ ہوا ہے، موٹرسائیکل کی سیل میں بے تحاشہ اضافہ ہوا ہے،موٹرسائیکل امیرنہیں غریب لوگ لیتےہیں۔

شہبازگل نے بتایاکہ لندن میں حسن نوازکی رہائش گاہ کےباہرواقعہ کارفراڈکانتیجہ تھا، معاملہ فراڈ کا تھا اورجھوٹ بولا گیا کہ لندن میں نوازشریف پرحملہ ہوگیا۔

انہوں نے کہاکہ شہبازشریف کوباہرنہیں جانےدیں گے، وہ پاکستان میں ہی اپناعلاج کرائیں، شہبازشریف راتوں رات ملک سے بھاگنا چاہتے تھے۔