سندھ میں 7 جوں سے 7 روزہ  انسداد پولیو مہم کا آغاز کیا جائے گا۔

تفصیلات کے مطابق چیف سیکریٹری سندھ اور صوبائی وزیر صحت کی زیر صدارت صوبائی ٹاسک فورس برائے انسداد پولیو کا اجلاس ہوا جس میں آگاہی کی گئی کے صوبے کے 94 لاکھ بچوں کو پولیو سے بچاؤ کے قطرے پلائے جائیں گے۔

اجلاس میں تمام ڈویژنل کمشنرز، ڈپٹی کمشنرز، ڈبلیو ایچ او اور دیگر حکام شریک ہوئے اور تمام ڈپٹی کمشنرز کو پولیو مہم بھرپور انداز میں چلانے کی ہدایت دی گئی۔

اجلاس میں آگاہ کیا گیا کہ صوبے کے 30 اضلاع میں حکام نے اجلاس کئے ہیں اور پولیو ورکرز کی ٹریننگ مکمل کی گئی ہے، پولیو ورکرز کو کرونا وائرس سے بچاؤ کے حفاظتی ماسک، پی پی ایز اور ضروری سہولیات دی گئی ہیں۔

چیف سیکریٹری سندھ نے ڈپٹی کمشنرز کو ہدایت کی کہ پولیو مہم کے مقرر کردہ 100 فیصد ہدف حاصل کئے جائیں۔

  چیف سیکریٹری سندھ ممتاز علی شاہ نے کہا کہ عوام پولیو ورکرز کے ساتھ تعاون کرے اور پانچ سال تک کے بچوں کو پولیو سے بچاؤ کے قطرے پلائے، سوشل موبلائیزرس اور انفلیوئنسرز کے کردار کو مزید مؤثر بنایا جاۓ تا کہ انکاری والدین کو آمادہ کیا جا سکے۔

 صوبائی وزیر صحت ڈاکٹر عذرا پیچوہو نے اجلاس میں کہا کہ تمام والدین  سے گزارش ہے بچوں کو پولیو سے بچاؤ کے قطرے پلائیں۔

انہوں نے یہ بھی کہا کہ صوبے میں 71 ہزار سے زائد پولیو ورکرز مہم کا حصہ بنیں گے۔