سندھ اور وفاقی حکومت ایک بار پھر آمنے سامنے

کلثوم ہرا

05th Jun, 2021. 08:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ اور وفاقی حکومت ایک بار پھر آمنے سامنے

سندھ اور وفاقی حکومت ایک بار پھر آمنے سامنے آگئے ہیں۔

تفصیلات کے مطابق وزیراعلیٰ سندھ سید مراد علی شاہ نے وزیراعظم عمران خان کو خط لکھا دیا ہے۔

خط میں وزیراعلیٰ سندھ کی جانب سے کہا گیا کہ وفاقی حکومت سندھ کے ساتھ تعصب کررہی ہے، سندھ کے لوگوں کے ساتھ انصافی کی جا رہی ہے جبکہ وفاق کے پبلک سیکٹر ڈویلپمنٹ پروگرام میں سندھ کے منصوبے نظرانداز کردیے گئے ہیں۔

انہوں نے کہا کہ سندھ کے ساتھ موجودہ وفاقی حکومت نے ناانصافی کا تسلسل برقرار رکھا ہوا ہے جبکہ قومی اقتصادی کونسل کا اجلاس نہ بلا کر آئین کے آرٹیکل 156 کی خلاف ورزی کی جا رہی ہے۔

وزیراعلیٰ سندھ نے یہ بھی کہا کہ وفاقی وزارت خزانہ نے پنجاب کو 86 ہزار 605 ملین کے اور سندھ کو صرف 4 ہزار 808 ملین کے منصوبے دیے ہیں۔

مراد علی شاہ نے خط میں کہا کہ وفاق نے پنجاب کے صوبائی روڈ سیکٹرز کی اسکیمز کے لئے اربوں روپے کے فنڈز دیے لیکن سندھ کو کوئی اسکیم نہیں دی جارہی، افسوس ہے کہ سندھ کے خدشات تحفظات کو بار بار نظر انداز کیا جارہا ہے، وفاقی حکومت کا ادارہ ایس آئی ڈی سی ایل سندھ میں ایسٹ انڈیا کمپنی طرز کی مداخلت ہے۔

وزیراعلیٰ سندھ مراد علی شاہ کا مزید کہنا تھا کہ خدارا سندھ کے لوگوں کے ساتھ وفاقی حکومت کی زیادتیوں کا سلسلہ بند کیا جائے۔