وزیراعظم عمران خان نے کہا ہے کہ پاکستان کا دفاع جنگجو فوج کے ہاتھ میں ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق وزیراعظم عمران خان نے کوئٹہ کا دورہ کیا، وزیراعظم کے کمانڈاینڈ اسٹاف کالج پہنچنےپر آرمی چیف نے استقبال کیا ۔ استقبال کرنے والوں میں لیفٹیننٹ جنرل سرفراز علی بھی موجود تھے۔
آئی ایس پی آر کے مطابق دورے میں وزیراعظم نے ملکی صورتحال ، قانون کی عملداری، وسیع تر احتساب، انصاف کے وژن اور دشمن کی سازشوں پر روشنی ڈالی۔
وزیراعظم عمران خان نے کمانڈاینڈ اسٹاف کالج کوئٹہ میں فوج کے شرکا سے خطاب کرتے ہوئے کہا کہ پاک فوج نے دشمنوں کے سازشی منصوبے ناکام بنائے ہیں۔
عمران خان نے کہا کہ قائداعظم کے نظریات اور علامہ اقبال کے خوابوں کو حقیقت بنانے کیلئے سخت محنت کرنا ہوگی۔
وزیراعظم عمران خان نے مزید کہا کہ حکومت نے ہرشعبے میں ترقی کیلئے بھرپور کوششیں کی ہیں جبکہ زراعت، صنعت ، ٹیکنالوجی، آٹو میشن کیلئے مربوط اقدامات اٹھائے گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News