وزیراعظم عمران خان نے کہا ہے کہ اب عوام کو  معاشی اور اقتصادی لحاظ سے خوشخبریاں ہی ملیں گی۔

ذرائع کے مطابق وزیراعظم عمران خان کی زیر صدارت وفاقی کابینہ کا اجلاس ہوا جس کی اندرونی کہانی سامنے آگئی ہے۔

اجلاس میں کابینہ نے ہائیڈل منافع کی مد میں پنجاب اور خیبر پختونخوا کے لئے 86 ارب منافعے کی منظوری دے دی ہے اور ملک امین اسلم نے ہائیڈل منافعے کا معاملہ کابینہ اجلاس میں اٹھا دیا  ہے۔

وزیر اعظم نے معاشی کامیابیوں کو عوام میں زبردست انداز میں اٹھانے کی ہدایت کر دی ہے۔

عمران خان نے یہ بھی کہا کہ پھر کہہ رہا ہوں، مشکل دن چلے  گئے، اچھا دور آگیا ہے۔

ذرائع کا کہنا تھا کہ پنجاب کے لئے 53 ارب اور خیبرپختونخوا کے لئے 33 ارب منظور ہوئے ہیں۔

معاون خصوصی ملک امین اسلم نے مؤقف دیتے ہوئے کہا کہ ہائیڈل منافع پر مقامی لوگوں کا حق ہے ،پنجاب میں صرف غازی بروتھا میں ہائیڈل منصوبہ ہے۔

امین اسلم  نے یہ بھی کہا کہ غازی بروتھا 100 فیصد ضلع اٹک ہے، مقامی لوگوں نے قربانیاں دی ہیں۔

 انہوں نے کہا کہ پاکستان کے مفاد میں اٹک کی عوام نے قربانیاں دی ہیں ،منافع انہیں کا حق ہے۔

امین اسلم کا کہنا تھا کہ پنجاب کے 53 ارب روپے منافع پر اٹک کا حق ہے ،لیکن  کبھی 1 روپیہ بھی نہیں ملا اور پاکستان کے آئین کے مطابق ہائیڈل منافع کا مقصد متاثرین کو فائدہ پہنچانا ہے۔

وفاقی کابینہ نے ملک امین اسلم کے معاملے پر نظرثانی کرنے کی یقین دھانی  کروائی ہے۔

کابینہ ارکان نے کہا کہ آپ کی اور معاشی ٹیم کی دن رات محنت سے آج معاشی اہداف حاصل ہوگئے ہیں۔

ذرائع کے مطابق وفاقی کابینہ کو یہ بریفنگ دی گئی کہ پی ٹی وی پر کرکٹ میچز دکھانے کا  کنٹریکٹ بھارتی کمپنی کے پاس ہے جبکہ ساوتھ ایشیاء میں کرکٹ میچز کی پی ٹی وی پر نشریات بھارتی کمپنی کے ذریعے ہوسکتی ہے۔

ذرائع نے کہا کہ پی ٹی وی نشریات بھارتی کمپنی کے ذریعے نہیں دکھائیں گے ،وفاقی کابینہ نے اصولی فیصلہ کرلیا۔

اجلاس میں وفاقی کابینہ نے یہ فیصلہ بھی کیا کہ بھارتی سرکار ہو یا بھارتی کپمنی، کاروباری روابط نہیں کریں گے۔

اس دوران کابینہ ڈٹ گئی کہ کشمیر کو انصاف دیے بغیر بھارت کے ساتھ کوئی کاروباری تعلقات نہیں شروع کریں گے۔

اجلاس میں کابینہ ارکان نے متفقہ رائے کی کہ میچ نہ دیکھنا منظور، منافع نہ کمانا بھی منظور اور بھارتی کمپنی کا کنٹریکٹ بھی نا منظور کیا جائے۔