تھکاوٹ کا احساس دنیا بھر کے کروڑوں افراد کو اپنی روزانہ کی مصروفیات کے باعث ہوتا ہے، مگر ایسے افراد بھی ہیں  جو ہر وقت جسمانی طور پر خود کو تھکا ہوا محسوس کرتے ہیں۔

 ہر وقت طاری رہنے والی تھکاوٹ مختف امراض کا نتیجہ ہوتی ہے ۔

 اس تھکاوٹ کے بعد اپنی جسمانی توانائی کو بحال کرنا ایک پریشان کن مسئلہ ہے لیکن کچھ آسان نسخوں کو استعمال کرکے اس پریشانی سے نجات پائی جا سکتی ہے۔

ماہرین کا کہنا ہےکہ سفر کرنے سے آپ کی دماغی اور جسمانی صحت پر مثبت اثرات مرتب ہوتے ہیں۔ جب آپ سفر کرتے ہیں تو نئے تجربات کا سامنا کرتے ہیں ، نئے تجربات انسان کی سوچ کو وسیع کرتے ہیں ،جس کی مدد سے وہ مثبت اور منفی دونوں پہلو پر غور کرسکتا ہے۔

ایک تحقیق سے یہ بات سامنے آئی ہےکہ جو لوگ سفر کرتے ہیں وہ کئی پریشانیوں سمیت دل کے امراض سے بھی محفوظ رہتے ہیں۔

 سفر کرنے والے افراد کو بہت کم ذہنی مسائل کا سامنا کرنا پڑتا ہے جیسے تناؤ، مایوسی یا افسردگی وغیرہ۔

سفر کے دوران آپ مختلف لوگوں، رویوں ، حالات ،مناظر ، اقدار ، تجربات ، ثقافتوں، روایتوں اور زبانوں کا تجربہ کرتے ہیں۔ مختلف ماحول آپ کو بہت کچھ سکھا تاہے، سیکھنے کے عمل سے دماغ بھی چاک وچوبند رہتا ہے،  اس سے آپ کو فیصلہ سازی کرنے میں بھی مدد مل سکتی ہے۔

مختلف علاقوں ، شہروں اور ممالک کے سفر کے دوران آب و ہوا کو محسوس کرتے ہیں ، جو کہ دماغی طور پر فائدہ مند ہے۔

سفر کے باعث جسمانی سرگرمی بھی بڑھتی ہے جس کی وجہ سے جسمانی قوت مدافعت میں اضافہ ہو تا ہے۔

سفر سے ذہن کو استحکام ملتا ہے اور  دل کی بیماری کے خطرے میں کمی ہوتی ہے۔