شاہد خاقان عباسی نے کہا ہے کہ حکومتی نالائقی کی وجہ سے کراچی میں صنعتیں بند ہیں۔

تفصیلات کے مطابق سابق وزیراعظم شاہد خاقان عباسی نے احتساب عدالت کے باہر میڈیا سے گفتگو کرتے ہوئے کہا ہے کہ عمران خان نا کام وزیراعظم ہیں، ان لوگوں کوشرم آنی چاہیے یہ ملک کوتباہ کررہے ہیں۔

ان کا کہنا ہے کہ  نوازشریف علاج کروانے گئےتھےعلاج کروا کرہی آئیں گے، ملک کے  بجائےبھارت ،افغانستان ،اسرائیل کی فکرلگی ہوئی ہے۔

انھوں نے حکومت سے سوال پوچھتے ہوئے کہا ہے کہ ہمیں بھارت کےآئین کی فکرہے،کبھی اپنا آئین پڑھا ہے ؟

ان کا کہنا ہے کہ حکومت ہمارے دورکےٹرمینلزکوبند نہیں کرسکتی معیشت متاثرہوتی ہے، بجلی ایل این جی کےبجائےفرنس آئل سے بن رہی ہے، پاکستان اس وقت22 ہزارمیگاواٹ بجلی بنا رہاہے،60 فیصد ن لیگ کےدورکی ہے، 40 فیصد بجلی ایل این جی سے بن رہی ہے اور ہم عدالتوں میں ہیں

شاہد خاقان عباسی نے کہا ہے کہ نیب قوانین میں ترمیم کرکے20سال کا ریکارڈ مانگا جارہا ہے، ترمیم کا اطلاق ہر پاکستانی پر ہو جو حکومت سے تنخواہ لیتا ہے، اندھے قانون انتقام کی ہوس میں بنائے جاتے ہیں، کالےقانون بنانے کے بعد پچھتاتے ہیں۔

انھوں نے مزید کہا ہے کہ انتقام کی ہوس میں بنائےگئےقوانین کا اطلاق بھی انہی پرہوتا ہے، 2 سال سے ڈیمانڈ کر رہا ہوں کہ کیمرے کے سامنے سماعت کی جائےمگر کوئی سنے والا نہیں ہے۔