وزیراعظم عمران خان نے کہا ہے کہ زرعی شعبےکی ترقی کیلئے پیکیج لارہے ہیں۔

تفصیلات کے مطابق وزیراعظم عمران خان کی جانب سے وزیراعظم ہاؤس میں حکومتی اور اتحادی ارکان پارلیمنٹ کے اعزاز میں عشائیہ دیا گیا۔

وزیراعظم عمران خان نے عشائیے سے خطاب کرتے ہوئے کہا کہ جب سے وزیراعظم بنا ہوں 10 مرتبہ باہر سے کھانا کھایا ہے جس میں 3 دفعہ آپ لوگوں کے ساتھ کھانا کھایا۔

وزیراعظم نے کہا کہ حکومت سنبھالنے کے بعد مشکل معاشی حالات کا سامنا کیا، کورونا کے باوجود پاکستان کا گروتھ ریٹ 4 فیصد ہے۔

عمران خان نے یہ بھی کہا کہ زرعی شعبے پر سب سے زیادہ کام کی ضرورت ہے، زرعی شعبےکی ترقی کیلئے پیکیج لارہے ہیں جبکہ گندم اور چاول کی ریکارڈ پیداوارکے باوجود ہم یہ امپورٹ کررہے ہیں۔

وزیراعظم کا کہنا تھا کہ مہنگائی اہم ایشو ہےکیونکہ اس سےعام آدمی متاثر ہوتا ہے، مہنگائی پر بھی آہستہ آہستہ قابو پالیں گے۔

عمران خان کا یہ بھی کہنا تھا کہ غریب آدمی کاسرکاری اسپتال میں کوئی نہیں سنتا، کچھ دونمبر میڈیکل کالجز ہیں جو جعلی ڈگری دیتے ہیں۔

وزیراعظم نے کہا کہ 46فیصدجو پاکستان کا نچلاطبقہ ہے اس کو براہ راست سبسڈی دیں گے۔

عمران خان نے یہ بھی کہا  کہ ریفارمز لانے میں ہمیشہ مافیاز رکاوٹ بنتے ہیں جبکہ ایم ٹی آئی ریفارمز میں بھی حکومت کوسخت مزاحمت کاسامنا ہے، لوگ مزاحمت اس لیےکررہے ہیں کہ سزا اور جزا کاسسٹم بنے گا۔

وزیراعظم عمران خان نے مزید کہا کہ کورونا کے باوجود زبردست بجٹ دیا ہے، انشاءاللہ کل وفاقی بجٹ آسانی سےپاس ہوگا۔