پی ایس ایل کے چھٹے ایڈیشن کے 20ویں میچ میں اسلام آباد یونائیٹڈ نے لاہور قلندرز کو جیت کے لیے 153 رنز کا ہدف دے دیا  ہے۔

تفصیلات کے مطابق ابوظبی میں کھیلے جارہے اس میچ میں اسلام آباد یونائیٹڈ نے ٹاس جیت کر پہلے بیٹنگ کرنے کا فیصلہ کیا۔

https://twitter.com/thePSLt20/status/1404056262187311117?ref_src=twsrc%5Etfw%7Ctwcamp%5Etweetembed%7Ctwterm%5E1404056262187311117%7Ctwgr%5E%7Ctwcon%5Es1_&ref_url=https%3A%2F%2Fwww.express.pk%2Fstory%2F2189598%2F16

یونائیٹڈ کے ابتدائی 5 بلے باز 20 کے مجموعے پر ہی پویلین لوٹ گئے۔

قلندرز کے جیمز فالکنر نے شاندار بولنگ کا مظاہرہ کرتے ہوئے 3 وکٹیں حاصل کیں۔

بعد ازاں  یونائیٹڈ کے آصف علی نے کسی بھی بولر کو خاطر میں لائے بغیر شاندار بیٹنگ کا مظاہرہ کیا اور 5 بلند و بالا چھکوں اور 6 چوکوں کی مدد سے 75 رنز کی اننگز کھیلی۔

دوسرے اینڈ پر موجود افتخار احمد نے بھی ان کا شاندار ساتھ نبھایا اور دونوں نے چھٹی وکٹ پر ٹیم کے لیے 123 رنز جوڑے۔

افتخار احمد نے 49 رنز کی ذمہ دارانہ اننگز کھیلی، جبکہ یونائیٹڈ کی جانب سے کسی کھلاڑی نے اچھی کارکردگی نہیں دکھائی۔

اسلام آباد یونائیٹڈ کی ٹیم نے مقررہ 20 اوورز میں 7 وکٹوں کے نقصان پر 152 رنز بنائے۔

جیمز فالکنر کے علاوہ شاہین آفریدی اور حارث رؤف کے حصے میں بھی دو دو وکٹیں آئیں۔

اسلام آباد یونائیٹڈ کی ٹیم میں شاداب خان، کولن منرو، عثمان خواجہ، حسین طلعت، افتخار احمد، آصف علی، محمد موسیٰ، روحیل نذیر، فواداحمد، علی خان اور محمد وسیم شامل ہیں۔

لاہور قلندرز کی ٹیم میں کپتان سہیل اختر، فخرزمان، محمد حفیظ، بین ڈنک، ٹم ڈیوڈ، راشد خان، جیمز فولکنر، ذیشان اشرف، احمد دانیال، حارث رؤف اور شاہین آفریدی پر مشتمل ہے۔

واضح رہے اسلام آباد یونائیٹڈ نے پچھلے میچ میں کوئٹہ گلیڈی ایٹرز کو 10 وکٹ سے شکست دی تھی۔