وزیراعظم کا کہنا ہےکہ کوشش ہے کہ پاکستان اور تاجکستان کے درمیان تعلقات مزید مضبوط ہوں۔

تفصیلات کے مطابق  وزیراعظم عمران خان نے تاجک صدر امام علی رحمان کے ہمراہ مشترکہ پریس کانفرنس کرتے ہوئے کہا کہ تاجکستان کے صدراورمیری پیدائش ایک ہی دن ہوئی ، اس لحاظ سے میری اور ان کی عمرایک جتنی ہے۔

اس موقع پر وزیراعظم نے کہاکہ بھارت نےمقبوضہ کشمیرمیں یواین قراردادوں کی خلاف ورزی کی، یکطرفہ اقدام واپس لینےتک بھارت سےتعلقات بحال نہیں ہوسکتے۔

انہوں نے کہاکہ افغانستان میں امریکی انخلا کےبعد سیاسی استحکام چاہتےہیں، افغان امن عمل کامیاب نہ ہوا توصورتحال خراب ہونےکاخدشہ ہے۔

وزیراعظم پاکستان نے کہاکہ دنیا کوگلوبل وارمنگ پرتوجہ دیناہوگی، بھارت نے 5اگست کےیکطرفہ اقدام سےعالمی قوانین کی خلاف ورزی کی،5اگست کےاقدام کےبعد بھارت سے تجارت ناممکن ہے، بھارت سےتجارت کامطلب کشمیریوں سےغداری کرناہے، تجارت نہ کرنےکا نقصان پاکستان اوربھارت دونوں کوہے۔

عمران خان نے کہاکہ پاکستان اورتاجکستان کوموسمیاتی تبدیلی کاچیلنج درپیش ہے، گلوبل وارمنگ سے پاکستان اورتاجکستان کوزیادہ خطرہ ہے،تجارت کےفروغ کیلئےایم اویوزپردستخط کیےگئے، مفاہمتی یادداشتوں پردستخط سے تجارتی روابط میں اضافہ ہوگا، تجارت بڑھانے کیلئے افغانستان میں امن ہونا ضروری ہے، افغانستان میں انتشارسے دہشتگردی بڑھنےکاخدشہ ہے۔

انہوں نے کہاکہ افغانستان میں امن نہ ہواتوتجارتی امورمتاثرہوں گے، تاجکستان کےساتھ دفاعی امورپربھی بات ہوئی،پاکستان اورتاجکستان کےمشترکہ چیلنجزہیں، افغانستان میں خراب صورتحال سے پاکستان اور تاجکستان کونقصان ہوگا۔

وزیراعظم نے کہاکہ تاجکستان کےصدرکےساتھ  تجارتی امور پربات ہوئی ہے، تاجکستان کے صدرکے ساتھ اہم معاملات پربات ہوئی، تاجکستان کے صدرامام علی رحمان کوخوش آمدید کہتا ہوں۔