معاون خصوصی برائے اطلاعات ڈاکٹرفردوس عاشق اعوان نے کہا کہ شاہی خاندان نےاداروں کو اپنےمقاصد کیلئے استعمال کیا ہے۔

تفصیلات کے مطابق معاون خصوصی برائے اطلاعات ڈاکٹرفردوس عاشق اعوان نے کہا کہ شاہی خاندان نے اداروں کوسیاست زدہ کیا ، واسا بھی شاہی خاندان کی کرپشن کی نذرہوا ، عوام کو بتائیں گےواسا کا ادارہ کس حالت میں ہمیں ملا ۔

انہوں نے کہا کہ گنداپانی پینےکی وجہ سےصحت کےمسائل پیدا ہوئے ، بارش کاپانی سیاسی پوائنٹ اسکورنگ کا ذریعہ رہا ، بارش ہوتے ہی لمبے لمبے بوٹ پہن کرانکی شوٹنگ شروع  ہو جاتی تھی ، ظل سبحانی اداکاری سےعوام کا ہمدردثابت کرنے کی کوشش کرتے تھے۔

ڈاکٹرفردوس عاشق اعوان نے کہا کہ واسا کوعوام کے دکھوں کا مداوا کرنےکیلئے روڈ میپ نہیں دیا گیا ، ماضی میں واسا کواپنی مفت خوری کیلئے استعمال کیا گیا۔

معاون خصوصی برائے اطلاعات نے کہا کہ لانگ بوٹ والی سرکارمستقل کوئی حل پیش نہیں کرسکی ، بوٹوں والی سرکاربارش کے بعد مینڈک  کی طرح باہرآجاتے تھے۔

انہوں نے کہا کہ ہم نے بارش کے پانی کو قابل استعمال بنانے کیلئے ٹینک  بنائے ، ٹینک میں 14 لاکھ گیلن پانی اسٹورہوگا ، حکومت نےزیرزمین مزید 2 ٹینک بنانےکافیصلہ کیاہے۔

ڈاکٹرفردوس عاشق اعوان نے کہا کہ پینے کے صاف پانی سے متعلق واٹرٹیسٹنگ لیب بنائی گئی ،     بارش کا پانی اسٹورکرکے استعمال کرنے کا تجربہ اچھا رہا۔

معاون خصوصی برائے اطلاعات نے کہا کہ ن لیگ کے ڈکیت اورچوروں کے گھروں میں مفت کا پانی جاتا تھا ، غریب لوگ پانی کابل دیتے تھے۔

انہوں نے یہ بھی کہا کہ حکومت ملی توواسا کی آمدن 25 کروڑ تھی،آج 60 کروڑ روپے  ہے ، واسا طاقتوروں کی جیب سےعوام کا حق نکال کرلارہا ہے۔